ALCALDÍA
Xuntanza coa Unión de Consumidores de Galicia
O alcalde de Santiago, Xosé Sánchez Bugallo, e a concelleira de Políticas Sociais, Mila Castro, reuníronse co secretario xeral da Unión de Consumidores de Galicia, Miguel López, e cunha das vogais da entidade, Rocío Arnoso.
XUNTA DE GOBERNO
O aparcadoiro de Triacastela proporcionará 39 prazas de estacionamento
A Xunta de Goberno, na súa sesión ordinaria deste luns, aprobou o proxecto de acondicionamento dunha parcela da rúa de Triacastela para convertelo nun estacionamento en superficie. Na sesión tamén se acordou a prórroga do Servizo de Axuda no Fogar e autorizáronse novas actuacións para impulsar a sede electrónica municipal.
ALCALDÍA
O alcalde recibiu unha delegación da Fundación Laboral da Construción
O alcalde de Santiago, Xosé Sánchez Bugallo, reuniuse coa Fundación laboral da Construción.
POLÍTICAS SOCIAIS
O Teatro Principal comeza a acender as súas luces para acoller este 7 de febreiro o II Concerto Benéfico NormalizAutismo
Artistas como Guadi Galego, Luís Fercán, Yoli Saa, Jorge Casal, Xabier Vizcaíno, Vicky Gastelo ou Adriana Moragues participarán este venres, 7 de xaneiro, no II Concerto Benéfico NormalizAutismo. A recadación deste evento, que se celebrará no Teatro Principal, irá destinada integramente ao desenvolvemento de campañas informativas e de sensibilización para a visualización e mellor comprensión das afeccións que acompañan ao trastorno espectro autista.
CONSORCIO
O Consorcio destina 300.000 euros a axudas para mantemento exterior, carpinterías e mellora da eficiencia dos inmobles da cidade histórica
O Consorcio de Santiago ten en marcha unha nova convocatoria do programa Ter é manter, dirixido ao mantemento e mellora da eficiencia enerxética da envolvente exterior dos edificios da cidade histórica de Santiago, que inclúe ademais as actuacións sobre os elementos especiais de madeira e reixas. O organismo interadministrativo destinará a esta convocatoria un importe global de 300.000 euros. O prazo para solicitar estas axudas remata o vindeiro 2 de marzo.
XUNTA DE GOBERNO
Os edificios de vivendas de San Ignacio de Loyola incorporarán ascensor e poderán acceder a axudas para a rehabilitación
A Xunta de Goberno aprobou este martes o estudo de detalle do ámbito das vivendas de San Ignacio de Loyola. Este documento resolve a accesibilidade destes dous edificios de vivendas, mediante a instalación de ascensores e tamén supón a mellora da envolvente dos mesmos. Ademais, grazas a unha ordenanza agora en preparación, a veciñanza poderá acceder a unha convocatoria de axudas para a rehabilitación das súas vivendas.
