TURISMO
Nova campaña de concienciación sobre o problema dos pisos turísticos ilegais
A Concellería de Igualdade, Desenvolvemento Económico e Turismo, pón en marcha unha campaña de concienciación "para que tanto turistas coma residentes saiban das consecuencias negativas que ten a proliferación dos pisos turísticos ilegais". Trátase dunha acción coordinada co Concello de Barcelona, que tamén se vai desenvolver noutras cidades europeas cun importante fluxo turístico.
As 15 cidades Patrimonio da Humanidade presentan a súa oferta turística e cultural nos Países Baixos
O Grupo de Cidades Patrimonio da Humanidade presentou onte á noite na Haia (Holanda), xunto con Paradores, as novidades da súa oferta turística e cultural ao sector profesional do turismo holandés.
XUNTA DE GOBERNO
Iniciada a licitación de dous contratos complementarios de rozas e mantemento
A Xunta de Goberno aprobou hoxe o inicio de licitación de dous contratos complementarios para a execución de rozas en viarios e parcelas municipais e para actuacións de mantemento de pavimentos. A cada un deles destinaranse 121.000 euros.
XUNTA DE GOBERNO
O Concello inicia os trámites para a futura construción da "Cidade da Raqueta" de San Lázaro
A Xunta de Goberno deu hoxe un paso máis para a creación da futura "Cidade da Raqueta" de San Lázaro. Foi coa remisión á Xunta da solicitude para iniciar a avaliación ambiental previa á modificación do Plan Especial da parcela na que se localizarán as instalacións.
EDUCACIÓN
As escolas infantís municipais rematan o curso cunha festa de graduación
Neste último día do curso escolar os nenos e nenas das aulas de 2-3 anos da Rede de Escolas Infantís Municipais de Santiago celebraron a súa graduación e a despedida do curso 2017-2018 en compañía dos compañeiros/as e os educadores/as das escolas.
ALCALDÍA
A IXP Carne Vacún de Galicia construirá a súa sede nunha parcela cedida temporalmente polo Concello de Santiago
O Consello Regulador das Indicacións Xeográficas Protexidas da Carne Vacún de Galicia construirá a súa nova sede en Santiago, nunha parcela cedida temporalmente polo Concello no SUNP-5 da Muíña. Así se recolle no acordo asinado hoxe polo alcalde, Martiño Noriega, e o presidente da IXP, Jesús González Vázquez.
EDUCACIÓN
O Concello recoñece o labor do profesorado xubilado ao longo deste curso
O Concello de Santiago rendiulle hoxe homenaxe ao profesorado e aos directores de centros de ensino de Compostela que se xubilaron ao longo deste curso. Foi nun acto celebrado no Salón Nobre do Pazo de Raxoi, presidido pola alcaldesa en funcións, María Rozas.
INFORMÁTICA
O persoal municipal prepárase para a chegada da Administración Electrónica
O Concello de Santiago segue preparándose internamente para a implantación da Administración Electrónica, un ambicioso proceso de modernización que mudará a forma de organizar o traballo na administración local e a súa relación coa cidadanía. Os xefes e xefas dos diferentes departamentos municipais participaron nunha xuntanza explicativa, que nas vindeiras semanas se repetirá co resto do persoal do Concello.
OBRAS
Iniciadas as obras do aparcadoiro da Avenida de Ferrol
Esta semana comezaron as obras de acondicionamento dun aparcadoiro público en superficie na avenida de Ferrol, nas que se van investir algo máis de 95.000 euros. O concelleiro de Medio Rural, Mantemento e Obras para o Equilibrio Territorial, Rafael Peña, deu conta do inicio dos traballos nunha rolda de prensa na que avanzou as actuacións que van comezar nas próximas semanas.
ALCALDÍA
Fixada a data do 15 de outubro para a vista preliminar no caso das esculturas de Abraham e Isaac
O próximo 15 de outubro celebrarase en Madrid a vista preliminar no procedemento xudicial aberto tras a demanda formulada polo Goberno local. para a recuperación das figuras de Abraham e Isaac, que pertencen ao Concello de Santiago pero que están en mans da familia Franco. Despois desa vista preliminar, abrirase o xuízo, previsiblemente antes de final de ano.
