ALCALDÍA
O Concello presentou á convocatoria de axudas PIREP os proxectos de rehabilitación do complexo deportivo de Santa Isabel e do Polideportivo de Vite
O alcalde de Santiago, Xosé Sánchez Bugallo, deu conta, en rolda de prensa, das dúas propostas que o Concello presentou ao "Programa de Impulso á Rehabilitación de Edificios Públicos (PIREP) Local – Liña 1 - 2022": a rehabilitación do complexo deportivo de Santa Isabel e a do polideportivo municipal de Vite. Escolléronse, sinalou, por dúas razóns: porque o "investimento mínimo ten que ser de medio millón de euros" e porque son "dúas instalacións públicas cun...
PLENO
O alcalde de Santiago defende o emprazamento en Mallou da plataforma loxística de distribución de mercadorías
O alcalde de Santiago, Xosé Sánchez Bugallo, defendeu, na sesión plenaria de hoxe, a ubicación da plataforma loxística de mercadorías na parcela dotacional IA-8, incluida no sector de solo urbanizable delitimado de Mallou SUD-1. As razóns argumentadas son as condicións de conectividade e cercanía cos puntos de distribución; e porque xa está en marcha "a expropiación necesaria para completar a parcela; e a a tramitación do Plan Especial necesaria para poder acometer a actuación".
XUNTA DE GOBERNO
Aprobada a convocatoria de bolsas de comedor, adquisición de material escolar e realización de actividades extraescolares
A Xunta de Goberno Local, reunida en sesión extraordinaria, aprobou hoxe a "Convocatoria de bolsas de comedor, adquisición de material escolar e realización de actividades extraescolares para o alumnado dos centros docentes públicos e concertados sostidos con fondos públicos de educación infantil (segundo ciclo) e de educación primaria obrigatoria do Concello de Santiago de Compostela, para o curso escolar 2022/2023".
DEPORTES E MOBILIDADE
Santiago acolle este sábado a carreira nocturna SantyaGo 10k
O vindeiro sábado día 30 de abril celebrarase na cidade a VI carreira SantYaGo10K Cidades Patrimonio da Humanidade, unha importante proba atlética de 10.000 metros na que está previsto que participen arredor de 1.500 corredores. Está organizada polo Concello de Santiago e o Club de Atletismo Fontes do Sar, coa participación da Real Federación Española e Federación Galega de Atletismo. Durante o transcurso da proba, as rúas do percorrido estarán pechadas ao tráfico.
ACCIÓN CULTURAL
Constance Hurlé presenta ‘Sem grana e sem frescura’, residencia literaria que se celebrará na Zona C
A Zona C acolle por vez primeira unha residencia literaria, que vén de concorrer á convocatoria de intervencións artísticas para este espazo, na modalidade de proxectos de creación literaria. No marco do proxecto celébrase un taller de escrita creativa os días 11,18 e 25 de maio e 1,8 e 15 de xuño, para o cal está aberto o prazo de inscrición ata o venres 6 de maio
CENTROS SOCIOCULTURAIS E EDUCACIÓN
O Concello de Santiago oferta 315 prazas de conciliación nos Centros Socioculturais e no Espazo de Lecer María Miramontes para este verán
O concelleiro de Centros Socioculturais, Javier Fernández, e o de Educación, Rubén Prol, presentaron hoxe en rolda de prensa os programas de conciliación de ambos departamentos para o período de verán, que unidos aos da Concellaría de Medio Rural, suman un total de 315 prazas. Nos próximos días tamén se engadirá a esta cifra, as prazas de conciliación para este verán nos centros escolares de Santiago.
ACCIÓN CULTURAL
'Utópicas', un proxecto para transformar Compostela desde a arte
Ata o 11 de maio está aberta a convocatoria de colaboradoras/es destinada a conformar comunidades de aprendizaxe e creación artística e colaborar nas cinco ideas preseleccionadas dun total de trinta proxectos. Producido polo Auditorio de Galicia e deseñado por 7H Cooperativa Cultural, esta iniciativa reivindica a importancia da cultura para fomentar vínculos comunitarios.
ALCALDÍA
O Eixo Atlántico presenta o seu primeiro Informe Socioeconómico
O estudo, realizado polo catedrático Fernando González Laxe e o profesor portugués Adriano Fidalgo de Sousa, realiza unha análise da conxuntura económica, demográfica e do comportamento poboacional das cidades de Galicia e do norte de Portugal en 2021. A publicación foi presentada esta mañá nun acto que contou coa intervención do alcalde de Santiago, Xosé Sánchez Bugallo.
XUNTA DE GOBERNO
Aprobadas as bases da convocatoria de subvencións destinadas ao fomento de actividades a prol da igualdade e á prevención das violencias machistas
A Xunta de Goberno Local aprobou hoxe as "Bases reguladoras e a convocatoria para a concesión de subvencións para o fomento de actividades de programas e actividades en prol da igualdade efectiva entre mulleres e homes e das persoas do colectivo lésbico, gay, transexual, bisexual, queer e intersexual (LGTBQI) e de prevención e loita contra as violencias machistas, para o ano 2022", que conta cun orzamento de 30.000 euros. Dos acordos adoptados, informou o concelleiro e secretario da Xunta de Goberno, Sindo Guinarte.
XUNTA DE GOBERNO
Aprobada, por vía de urxencia, a convocatoria de ocupación de vía pública na Alameda para a colocación de postos durante as festas da Ascensión e do Apóstolo
A Xunta de Goberno Local, reunida en sesión extraordinaria, aprobou este mediodía o expediente de tramitación urxente que ten por obxecto a convocatoria pública para a autorización da "Ocupación de vía pública no Parque da Alameda de Santiago de Compostela para a colocación de postos durante as festas da Ascensión e do Apóstolo do ano 2022", establecendo un canon mínimo de 94.646,41 euros.
O prazo para a presentación das proposicións fíxase en 8 días naturais....
