EIXO ATLÁNTICO
O Eixo Atlántico recolle nun informe as necesidades para a modernización ferroviaria de Galicia e cifra o custo en tres mil millóns de euros en dez anos
O alcalde de Santiago, Xosé Sánchez Bugallo, acompañado pola alcaldesa de Lugo e vicepresidenta do Eixo, Lara Méndez; polo secretario xeral da entidade interrexional, Xoán Vázquez Mao; e polo presidente do Consello Económico e Social, Agustín Hernández, deu conta en rolda de prensa do "Mapa ferroviario de Galicia", documento no que se recollen as actuacións propostas polo Eixo Atlántico para a modernización da rede ferroviaria galega de vía ancha.
MEDIO RURAL
Aberto o prazo de presentación de ofertas no proceso de licitación de distintas obras de saneamento e abastecemento en Aríns, Laraño e Bando
Ata o 27 de xullo está aberto o prazo de presentación de ofertas no proceso de licitación das obras de ampliación das redes de abastecemento e saneamento nas parroquias de Aríns, Laraño e Bando, promovidas pola Concellería de Medio Rural, que dirixe José Manuel Pichel, en coordinación coa Deputación Provincial da Coruña dentro do Plan Único de Concellos (POS+).
ACCIÓN CULTURAL
Os narradores Avelino González e Pep Bruno xa peregrinan con ‘Contos no camiño’
O Festival Atlántica achégase ao ecuador da súa programación co inicio dunha actividade concibida ex profeso para este ano xacobeo: ‘Contos no camiño’. Nesta iniciativa dous narradores, Avelino González e Pep Bruno, van realizar o camiño de Santiago seguindo o itinerario portugués e francés, respectivamente. Ao longo das súas andainas, ambos os dous realizarán funcións de contos programadas e espontáneas e tamén compartirán as súas experiencias a través das súas redes...
FACENDA
Desde hoxe pódense autoliquidar varias taxas a través da Sede Electrónica do Concello de Santiago
A partir de hoxe, 6 de xullo, aquelas persoas interesadas que o precisen, poderán autoliquidar distintos tipos de ingresos a través da Sede Electrónica do concello de Santiago, no marco do proceso de dixitalización que está levando a cabo o departamento de Modernización da Administración Local, dirixido por Marta Abal
XUNTA DE GOBERNO
A Xunta de Goberno Local concede a licencia para construir 24 vivendas de promoción pública e aproba as bases das axudas ás asociacións veciñais
A Xunta de Goberno Local, reunida hoxe en sesión extradordinaria e urxente, acordou conceder ao Instituto Galego de Vivenda e Solo, o IGVS, licenza para a construción dun edificio de 24 vivendas de promoción pública, garaxes e trasteiros no SUNP-13, Parcela 4B2, na Rúa Castiñeiriño, nº 81, cun orzamento de execución material de 2.717.231,53 euros.
