IGUALDADE
Minuto de silencio pola última vítima mortal de violencia machista
A praza do Obradoiro acolleu esta mañá un minuto de silencio pola muller asasinada na provincia de Girona, vítima de violencia machista.
COMERCIO
O Concello achega 35.000 euros a Área Central para actividades de dinamización comercial
O alcalde de Santiago, Xosé Sánchez Bugallo, acompañado pola concelleira de Políticas Sociais Mila Castro, asinou esta mañá un convenio de colaboracón coa xerente da Comunidade de Propietarios Centro Comercial Área Central, María Sara Castedo de Castro , para o desenvolvemento das actividades de dinamización comercial deste 2022, entre elas as de Nadal.
TURISMO
Santiago supera as 200.000 pernoctacións en establecementos hoteleiros en agosto
Santiago suma practicamente un millón de pernoctacións no que vai de ano, superando os rexistros do 2019.
XUNTA DE GOBERNO
Mañá ábrese o prazo de renovación e solicitude de praza para o período lectivo no Espazo Educativo e de Lecer María Miramontes
Mañá, 27 de setembro, ábrese o prazo de solicitude, tanto de solicitude como de renovación de praza, correspondete o período lectivo 2022-2023 do Espazo Educativo e de Lecer María Miramontes. As solicitudes poderán presentarse ata o 6 de outubro. Tanto as datas, como o procedemento de solicitude de praza aprobáronse hoxe en Xunta de Goberno.
XUNTA DE GOBERNO
Apróbanse as bases das dúas convocatorias de Acción Cultural: a dirixida a asociacións, e a destinada actividades culturais para o sector profesional
A Xunta de Goberno Local aprobou hoxe as bases da convocatoria de subvencións para asociacións culturais, e as bases das axudas de apoio a actividades culturais para o sector profesional. Son máis de 450.000 euros en subvencións, destinadas ao sector cultural, que teñen como obxectivo impulsar novas actividades culturais e apoiar as que se veñen facendo, así como axudar ao sector no desenvolvemento destas iniciativas.
XUNTA DE GOBERNO
A Xunta de Goberno licita o "Espazo interxeneracional no Sar" e acorda iniciar o procedemento de avaliación ambiental da parcela que acollerá o Centro de distribución de mercadorías
A Xunta de Goberno Local acordou remitir á Secretaría Xeral de Calidade e Avaliación Ambiental a solicitude de inicio do procedemento de avaliación ambiental estratéxica simplificada do "Plan especial da parcela dotacional de servizos urbanos SU-3", formulado de oficio polo Concello de Santiago. Neste parcela, situada a carón de MercaGalicia, é onde está previsto construir, segundo explicou o alcalde, Xosé Sánchez Bugallo, o centro de distribución de mercadorías.
