IGUALDADE
Minuto de silencio pola última vítima mortal da violencia machista
A praza do Obradoiro acolleu un minuto de silencio para condenar o último asasinato machista, que deixou este domingo unha vítima en Cuevas del Almanzora (Almería).
POLÍTICAS SOCIAIS
Concedidas as primeiras axudas municipais para cooperación ao desenvolvemento
A concelleira de Políticas Sociais, Concha Fernández, presentou a primeira concesión de axudas á cooperación e ao desenvolvemento. Das 13 solicitudes presentadas, foron seis as entidades finalmente beneficiarias dunha convocatoria que tiña un orzamento total de 90.000 euros.
TURISMO
A Galería Sargadelos exhibe a mostra de ilustracións "Camiña o Camiño"
A concelleira de Igualdade, Desenvolvemento Económico e Turismo, Marta Lois, visitou esta mañá a exposición Camiña o Camiño, que se pode ver dende o pasado venres na Galería Sargadelos. Na visita tamén estiveron a ilustradora Blanca Escribas e a editora Gema Sesar, de El Patito Editorial. Este proxecto, no que catro ilustradoras galegas e portuguesas puideron debuxar diferentes lugares do Camiño da Costa, está desenvolvido por Turismo de Santiago e El Patito Editorial con financiamento da Xunta de Galicia a...
ALCALDÍA
Recepción en Raxoi á nova directiva da Asociación Hostalería Compostela
O alcalde de Santiago, Martiño Noriega, e a concelleira de Turismo, Marta Lois, reuníronse coa nova directiva da Asociación Hostalería Compostela.
CONSORCIO
A Real Filharmonía de Galicia estrea en España a obra "Jong" para malabarista e orquestra, da compositora finlandesa Lotta Wennäkoski
A Real Filharmonía de Galicia celebra esta semana dous concertos na súa sede, o Auditorio de Galicia, no marco das Xornadas de Música Contemporánea. O primeiro será o xoves 26, ás 20:30 horas. E o venres, ás 18:30 horas, repetirase parte do concerto de abono para o público máis novo e para as familias dentro do ciclo Descobre unha orquestra para ti, a túa!, que busca achegar a RFG e a música clásica a novos públicos.
DESENVOLVEMENTO ECONÓMICO
O Cersia acolle un coloquio de catro persoas emprendedoras dentro do proxecto "O forno dos soños"
Catro persoas emprendedoras compartirán as súas múltiples experiencias nun café-coloquio que terá lugar o 27 de outubro, de 10:00 a 13:00 horas, no edificio municipal Cersia, no barrio de San Lázaro. Esta acción enmárcase no proxecto O forno dos soños, co que a Concellaría de Promoción Económica pretende fomentar a cultura emprendedora na cidade.
CONSORCIO
O Consorcio realizará visitas guiadas pola exposición que conmemora os seus 25 anos de traballo no patrimonio histórico e cultural da cidade
Baixo o título Consorcio de Santiago, Cultura e Patrimonio. 25 anos do Consorcio na cidade, o organismo promove unha exposición que repasa a súa traxectoria. A mostra ten dúas sedes, a Casa do Cabido (na praza das Praterías), onde se reúne o labor cultural da entidade; e a Fundación Torrente Ballester, que concentra as súas actuacións no patrimonio histórico.
ALCALDÍA
O alcalde destaca a importancia do Camiño na "reinvención" de Europa
O alcalde de Santiago de Compostela participou esta tarde no acto de conmemoración do trinta aniversario da Declaración do Camiño de Santiago como Itinerario Cultural Europeo. Na súa intervención, Martiño Noriega destacou a importancia do Camiño de Santiago como "ferramenta da reinvención dunha Europa que hai trinta anos, necesitaba reinventarse a si mesma".
