TURISMO
O acto de presentación do libro conta tamén co apoio da Cámara de Comercio de Santiago, que terá un espazo para realizar unha presentación sobre os Camiños Xacobeos. Dende Santiago desprazarase o presidente da Cámara compostelá, Jesús Asorey, para manter contactos profesionais cos medios de comunicación e turoperadores.
Un Camiño fácil para maiores
O proxecto do libro naceu tras unha viaxe de prensa organizada hai cinco anos por Turismo de Santiago en colaboración con Finnair, aproveitando un voo directo de Helsinki á capital galega. A este presstrip asistiron sete xornalistas, dos cales dúas atoparon un especial atractivo no Camiño de Santiago e a súa meta. Foi así como, ao longo deste tempo, Pirkko Vekkeli e Liisa Jappinen percorreron a ruta por etapas dende Francia e escribiron numerosos artigos para dúas revistas femininas de alta tirada, Eeva e Kotiliesi.
Resultado final da súa peregrinación é esta guía sobre o Camiño de Santiago dirixida a persoas maiores, cun sentido moi práctico, como a proposta de etapas doadas de alcanzar e a inclusión de información para persoas sen coñecemento de idiomas.
Compostela presenta en Helsinki un libro sobre o Camiño de Santiago
28/02/2012 Turismo de Santiago, a editorial Helsinkibooks e a Oficina Española de Turismo en Helsinki presentarán na capital finesa o libro Tatina taipaleella (Unha maneira diferente de facer o Camiño), nado da experiencia de dúas xornalistas, Pirkko Vekkeli e Liisa Jappinen, que tras visitar Compostela dedicaron anos a percorrer a ruta de peregrinación por etapas.
O libro será presentado polo coñecido xornalista Jan Erola, o día 29 de febreiro, nas instalacións da OET en Helsinki, ante turoperadores, prensa especializada e personalidades da cultura finlandesa. Como parte do acto, a empresa municipal de turismo compostelá fará unha presentación sobre a cidade e repartirá material promocional –dossier de prensa, guía profesional, vídeo promocional e fotografías- sobre a capital galega e o Camiño de Santiago.O acto de presentación do libro conta tamén co apoio da Cámara de Comercio de Santiago, que terá un espazo para realizar unha presentación sobre os Camiños Xacobeos. Dende Santiago desprazarase o presidente da Cámara compostelá, Jesús Asorey, para manter contactos profesionais cos medios de comunicación e turoperadores.
Un Camiño fácil para maiores
O proxecto do libro naceu tras unha viaxe de prensa organizada hai cinco anos por Turismo de Santiago en colaboración con Finnair, aproveitando un voo directo de Helsinki á capital galega. A este presstrip asistiron sete xornalistas, dos cales dúas atoparon un especial atractivo no Camiño de Santiago e a súa meta. Foi así como, ao longo deste tempo, Pirkko Vekkeli e Liisa Jappinen percorreron a ruta por etapas dende Francia e escribiron numerosos artigos para dúas revistas femininas de alta tirada, Eeva e Kotiliesi.
Resultado final da súa peregrinación é esta guía sobre o Camiño de Santiago dirixida a persoas maiores, cun sentido moi práctico, como a proposta de etapas doadas de alcanzar e a inclusión de información para persoas sen coñecemento de idiomas.