ALCALDÍA
Os comercios homenaxeados foron Fotos Sandine, Electrodomésticos Muíños, Joyería Regueira, Confecciones Sánchez, Calzados Valiño e Lencería Carol. Tamén foron distinguidos Castelcan, como gañador anual do Concurso de Escaparatismo en 2010; Como pez en el agua, como Comercio máis participativo; e Equisol comercio xusto, BS Artesanía e Chocolat Factory, premiados no concurso catálogo Regalar custa pouco 2010. No seo da recepción fíxoselles entrega da figura de Sargadelos que dende o ano 2006 se concede aos comercios seleccionados das distintas edicións do programa.
Ademais do alcalde, do concelleiro e doutros membros da Corporación, participaron no acto, entre outros, representantes da Cámara de Comercio de Santiago de Compostela, da Agrupación de Comerciantes de Santiago Acotés, do Centro Comercial Aberto Compostela Monumental, da Fundación Santiago Centro, do Mercado de Abastos de Santiago e da Federación Galega de Consumo.
O Concello de Santiago ofrece unha recepción aos representantes dos establecementos homenaxeados en 2011
08/04/2011 O Concello ofreceu unha recepción a representantes dos comercios distinguidos na convocatoria Homenaxe ao Comercio Compostelán 2011, e de establecementos premiados en programas desenvolvidos pola Concellaría de Promoción Económica, Emprego, Comercio e Turismo.
O obxectivo principal desta distinción é recoñecer o labor dos comercios homenaxeados, a súa traxectoria ao servizo da clientela e a achega realizada ao sector comercial, un dos motores da economía compostelá, así como a dinamización e a promoción do sector. Neste sentido, o alcalde, Xosé A. Sánchez Bugallo, destacou o papel destes comercios para "manter viva a cidade" e falou da súa "amabilidade, compromiso e enorme dedicación á súa actividade". O concelleiro de Promoción Económica e Comercio, Xosé Manuel Iglesias, tamén se referiu á estas persoas que "axudan a configurar, dende o comercio de proximidade, unha cidade mellor".Os comercios homenaxeados foron Fotos Sandine, Electrodomésticos Muíños, Joyería Regueira, Confecciones Sánchez, Calzados Valiño e Lencería Carol. Tamén foron distinguidos Castelcan, como gañador anual do Concurso de Escaparatismo en 2010; Como pez en el agua, como Comercio máis participativo; e Equisol comercio xusto, BS Artesanía e Chocolat Factory, premiados no concurso catálogo Regalar custa pouco 2010. No seo da recepción fíxoselles entrega da figura de Sargadelos que dende o ano 2006 se concede aos comercios seleccionados das distintas edicións do programa.
Ademais do alcalde, do concelleiro e doutros membros da Corporación, participaron no acto, entre outros, representantes da Cámara de Comercio de Santiago de Compostela, da Agrupación de Comerciantes de Santiago Acotés, do Centro Comercial Aberto Compostela Monumental, da Fundación Santiago Centro, do Mercado de Abastos de Santiago e da Federación Galega de Consumo.