EDUCACIÓN
As actividades contan coa visita en cada escola da directora da EMMSC, Sara Domínguez, e do xefe de estudos, Mario Diz. Na primeira visita, os nenos e nenas teñen un achegamento á práctica musical a través de contos, cancións, xogos ou obradoiros de instrumentos, entre outras propostas educativas. Deste xeito, os equipos pedagóxicos desenvolven un labor de iniciación a música que lles parece de especial interese no proxecto educativo da escola, contando co asesoramento dos profesionais da EMMSC.
Os máis pequenos inícianse na música da man do proxecto "A familia redonda"
18/02/2011 Os nenos e nenas da Escola Infantíl Municipal de Conxo participaron nunha sesión de sensibilización arredor da música, no marco do programa A familia redonda. A concelleira de Educación, Mercedes Rosón, achegouse ata o centro para observar a actividade.
As escolas infantís do Tambre, Conxo, Fontiñas e San Roque, coordinadas polo Departamento de Educación, seguen a traballar coordinadamente para contar con actividades que contribúan á mellor formación dos nenos e nenas de 0 a 3 anos. Nesta ocasión, en colaboración coa Escola Municipal de Música de Compostela (EMMSC), estase desenvolvendo un proxecto dedicado á música, que leva por título A familia redonda.As actividades contan coa visita en cada escola da directora da EMMSC, Sara Domínguez, e do xefe de estudos, Mario Diz. Na primeira visita, os nenos e nenas teñen un achegamento á práctica musical a través de contos, cancións, xogos ou obradoiros de instrumentos, entre outras propostas educativas. Deste xeito, os equipos pedagóxicos desenvolven un labor de iniciación a música que lles parece de especial interese no proxecto educativo da escola, contando co asesoramento dos profesionais da EMMSC.