DEREITOS DOS ANIMAIS
O Padroado da Fundación do Refuxio de Animais acorda emprender unha campaña de divulgación sobre adopcións e tenencia responsable
06/02/2024 Representantes do Padroado da Fundación do Refuxio de Animais de distintos concellos que integran esta entidade realizaron unha visita ás súas instalacións para coñecer as obras de mellora deste recinto e os labores de limpeza efectuados nos últimos meses. Ademais, acordaron iniciar unha campaña de promoción para favorecer as adopcións e sobre os coidados para a tenencia responsable de animais.
Durante esta visita, destacaron o dato de que no mes de xaneiro se produciron 70 saídas (das que 46 son adopcións) de cans e gatos, ademais de contar con novas "madriñas" que colaboran no paseo e coidado de animais.