TURISMO
O incremento do pasado mes apoiouse no turismo internacional, que continúa tendo cada vez máis presenza na cidade. Así, fronte ás 67.450 pernoctacións de agosto do 2022, neste agosto a cifra chegou ata as 75.273, cun aumento do 11,6%. Este crecemento foi acompañado dun lixeiro incremento da tarifa media diaria que segundo, o INE, situouse en 94,8 euros, un 1,8% máis que en agosto de 2022.
Grazas aos datos de agosto, o turismo internacional achégase xa ao medio millón de pernoctacións no que vai de ano. En total, suman xa 491.875 pernoctacións nos oito primeiros meses do ano, un 21,4% máis que no mesmo periodo do Ano Santo pasado.
Tomando os datos de turistas domésticos e internacionais, os establecementos hoteleiros da cidade rexistraron ata agosto 1.084.668 pernoctacións, un 7,9% máis que o ano pasado. De seguires esta tendencia no último cuatrimestre do ano, Compostela superaría o máximo histórico de pernoctacións logrado o ano pasado, cando se superou por primeira vez a barreira do millón e medio.
Ademais, se continúa esta tendencia de crecemento grazas ao incremento do turismo internacional, sería a primeira vez que o ano posterior a un Ano Santo consigue superar as cifras do propio Ano Santo, amosando a fortaleza de Santiago como destino turístico e o seu atractivo internacional que vai máis alá do Xacobeo.
O turismo internacional continúa crecendo en Compostela cun incremento do 11,6% en agosto
22/09/2023 Os establecementos hoteleiros da cidade sumaron 212.045 pernoctacións o pasado mes, un 2,4% máis que en agosto do Ano Santo 2022.
Os datos do mes de agosto da Enquisa de Ocupación Hoteleira do INE confirman a consolidación de Santiago de Compostela como un destino internacional cun atractivo turístico que vai moito máis alá que a celebración dun Ano Santo. Así, no pasado mes de agosto, a cidade sumou 212.045 pernoctacións, cun crecemento do 2,4% respecto do mes de agosto do 2022, cando se celebrou o Ano Santo.O incremento do pasado mes apoiouse no turismo internacional, que continúa tendo cada vez máis presenza na cidade. Así, fronte ás 67.450 pernoctacións de agosto do 2022, neste agosto a cifra chegou ata as 75.273, cun aumento do 11,6%. Este crecemento foi acompañado dun lixeiro incremento da tarifa media diaria que segundo, o INE, situouse en 94,8 euros, un 1,8% máis que en agosto de 2022.
Grazas aos datos de agosto, o turismo internacional achégase xa ao medio millón de pernoctacións no que vai de ano. En total, suman xa 491.875 pernoctacións nos oito primeiros meses do ano, un 21,4% máis que no mesmo periodo do Ano Santo pasado.
Tomando os datos de turistas domésticos e internacionais, os establecementos hoteleiros da cidade rexistraron ata agosto 1.084.668 pernoctacións, un 7,9% máis que o ano pasado. De seguires esta tendencia no último cuatrimestre do ano, Compostela superaría o máximo histórico de pernoctacións logrado o ano pasado, cando se superou por primeira vez a barreira do millón e medio.
Ademais, se continúa esta tendencia de crecemento grazas ao incremento do turismo internacional, sería a primeira vez que o ano posterior a un Ano Santo consigue superar as cifras do propio Ano Santo, amosando a fortaleza de Santiago como destino turístico e o seu atractivo internacional que vai máis alá do Xacobeo.