MEDIO AMBIENTE
"É un horario que foi negociado e dialogado coas asociacións de hostalaría e, sobre todo, que se trata dunha proposta inicial" explica a concelleira de Medio Ambiente, Mila Castro, que insiste en que este horario de partida "non ten por que ser o definitivo": "arrancamos agora e, despois dos primeiros días de funcionamento, volveremos reunirnos e axustaremos o servizo de acordo ás primeiras experiencias, trátase, como teño dito, de ensaio e error".
Así, o sistema conta con dous horarios de partida: un de inverno e outro de verán. No que arranca, o de inverno, o reparto sería o seguinte:
• Recollida de residuos orgánicos e fracción resto: comeza a partir das 23:30 horas, de luns a venres. Fins de semana: comeza a partir das 24:00 horas.
• Recollida de papel e cartón: comeza a partir das 20:30 horas.
• Recollida de envases lixeiros: comeza a partir das 20:00 horas.
• Recollida de vidro: non sufre variacións con respecto ao sistema actual.
En verán, o cambio fundamental sería nos residuos orgánicos, retrasándose media hora o inicio do horario de recollida e, en todo caso, "todas as franxas varían en función da experiencia inicial", recalcou Castro.
Mila Castro quixo ademais agradecer e recoñecer "a colaboración e o esforzo de todos os hosteleiros na posta en marcha destas medidas que, poden provocar algún cambio nas rutinas de traballo, pero implican unha mellora significativa no tratamento dos residuos".
Mañá arranca o sistema de recollida ‘porta a porta’ para os locais de hostalaría da cidade histórica
28/02/2023 Despois de case dous meses repartindo os colectores das diferentes franxas aos locais de hostalaría, iníciase a recollida ‘porta a porta’, pola que todos os establecementos da cidade histórica contarán cun horario para deixar os contedores á porta dos negocios, que lle serán recollidos alí mesmo.
O mes de marzo comeza coa posta en marcha do novidoso sistema de recollida ‘porta a porta’ para mellorar o tratamento de residuos na améndoa, e tamén o servizo aos establecementos, semanas despois de comezar a funcionar o sistema de illas de ‘quita e pon’."É un horario que foi negociado e dialogado coas asociacións de hostalaría e, sobre todo, que se trata dunha proposta inicial" explica a concelleira de Medio Ambiente, Mila Castro, que insiste en que este horario de partida "non ten por que ser o definitivo": "arrancamos agora e, despois dos primeiros días de funcionamento, volveremos reunirnos e axustaremos o servizo de acordo ás primeiras experiencias, trátase, como teño dito, de ensaio e error".
Así, o sistema conta con dous horarios de partida: un de inverno e outro de verán. No que arranca, o de inverno, o reparto sería o seguinte:
• Recollida de residuos orgánicos e fracción resto: comeza a partir das 23:30 horas, de luns a venres. Fins de semana: comeza a partir das 24:00 horas.
• Recollida de papel e cartón: comeza a partir das 20:30 horas.
• Recollida de envases lixeiros: comeza a partir das 20:00 horas.
• Recollida de vidro: non sufre variacións con respecto ao sistema actual.
En verán, o cambio fundamental sería nos residuos orgánicos, retrasándose media hora o inicio do horario de recollida e, en todo caso, "todas as franxas varían en función da experiencia inicial", recalcou Castro.
Mila Castro quixo ademais agradecer e recoñecer "a colaboración e o esforzo de todos os hosteleiros na posta en marcha destas medidas que, poden provocar algún cambio nas rutinas de traballo, pero implican unha mellora significativa no tratamento dos residuos".