POLITICAS SOCIAIS
O texto recorda que o Pleno da Corporación xa se tivo pronunciado por unanimidade no seu apoio ás persoas refuxiadas no ano 2016. Desde o goberno municipal consideran que, ante este tipo de delitos de odio non se pode permanecer impasible, xa que poñen en cuestión a convivencia, a cohesión e os dereitos das persoas migrantes e refuxiadas, coa intención de sinalalas, intimidalas e inxurialas. Por iso se vai propor ao pleno a adopción, dos seguintes acordos.
1.- A reafirmación do Concello de Santiago de Compostela no apoio a tódalas persoas que migran ou se acollen ao dereito de asilo ou refuxio, e comprométese na defensa dos seus dereitos e da súa integridade moral.
2.- A condena rotunda ao ataque contra a exposición promovida con ocasión do Día Mundial das Persoas Refuxiadas no Paseo dos Leóns do Parque da Alameda.
3.- A reafirmación e o compromiso no desenvolvemento de políticas en prol do apoio e o soporte aos inmigrantes e refuxiados que residen en Santiago, e de promover a súa integración e benestar a través da Unidade de Atención ás Migracións e os demais servizos dos que dispón o Concello.
Desde o Concello, unha vez avaliados os destrozos, ordenaron a retirada de catro paneis da exposición, os que presentaban maior perigosidade.
O goberno municipal condena e rexeita o ataque contra a exposición instalada na Alameda con motivo do Día Mundial das Persoas Refuxiadas
20/06/2021 O Concello de Santiago de Compostela condena e rexeita o ataque contra a exposición promovida con motivo do Día Mundial das Persoas Refuxiadas, que se celebra hoxe, instalada na Alameda. Unha mostra organizada pola concellaría de Políticas Sociais, que dirixe Mila Castro, a través da Unidade de Atención ás Migracións (UAMI), en colaboración coa Rede Galega en Apoio ás Persoas Refuxiadas. Onte, apareceron tres paneis destrozados, e esta mañá outros catro.
Uns actos vándalicos e un delito de odio que o goberno municipal levará a próxima Xunta de Voceiros, que terá lugar mañán luns, a través dunha declaración institucional de condena e rexeitamento, co obxectivo de que sexa aprobada no pleno de xuño.O texto recorda que o Pleno da Corporación xa se tivo pronunciado por unanimidade no seu apoio ás persoas refuxiadas no ano 2016. Desde o goberno municipal consideran que, ante este tipo de delitos de odio non se pode permanecer impasible, xa que poñen en cuestión a convivencia, a cohesión e os dereitos das persoas migrantes e refuxiadas, coa intención de sinalalas, intimidalas e inxurialas. Por iso se vai propor ao pleno a adopción, dos seguintes acordos.
1.- A reafirmación do Concello de Santiago de Compostela no apoio a tódalas persoas que migran ou se acollen ao dereito de asilo ou refuxio, e comprométese na defensa dos seus dereitos e da súa integridade moral.
2.- A condena rotunda ao ataque contra a exposición promovida con ocasión do Día Mundial das Persoas Refuxiadas no Paseo dos Leóns do Parque da Alameda.
3.- A reafirmación e o compromiso no desenvolvemento de políticas en prol do apoio e o soporte aos inmigrantes e refuxiados que residen en Santiago, e de promover a súa integración e benestar a través da Unidade de Atención ás Migracións e os demais servizos dos que dispón o Concello.
Desde o Concello, unha vez avaliados os destrozos, ordenaron a retirada de catro paneis da exposición, os que presentaban maior perigosidade.