EDUDACIÓN E CIDADANÍA
Na xuntanza tamén se avanzou a creación de tres órganos de participación de importancia, como son os Consellos Municipais de Educación e da Infancia, así como do Observatorio Municipal da Convivencia Escolar. Os directores e directoras foron informados do amplo programa de actividades que o Departamento desenvolverá durante este curso, como a programación infantil de Cineuropa, os roteiros polo patrimonio da cidade ou pola súa memoria e os concertos da Escola Municipal de Música.
Finalmente abriuse unha quenda de diálogo co persoal directivo para recoller as súas prioridades, sobre todo as máis urxentes, co obxectivo de solucionalas canto antes.
O concelleiro de Educación reúnese co persoal directivo dos CEIPS de Compostela
24/10/2016 O concelleiro de Educación e Cidadanía, Manuel Dios, mantivo esta mañá, no edificio Cersia, unha xuntanza cos 13 directores e directoras dos centros de primaria de Compostela. Esta reunión responde á vontade do Departamento de manter, como fixo o ano pasado, unha xuntanza anual ao comezo de curso cos equipos directivos dos colexios públicos de Compostela.
Manuel Dios cualificou esta reunión como "moi positiva" e, nela, os directores e directoras "agradeceron o diálogo constante que o Departamento mantén cos colexios de Santiago". O concelleiro informou aos centros da planificación para este curso escolar 2016/2017 e deu detalles sobre as obras de mantemento realizadas durante o verán e as que quedan pendentes para o resto do curso e que responderán ás necesidades de cada colexio.Na xuntanza tamén se avanzou a creación de tres órganos de participación de importancia, como son os Consellos Municipais de Educación e da Infancia, así como do Observatorio Municipal da Convivencia Escolar. Os directores e directoras foron informados do amplo programa de actividades que o Departamento desenvolverá durante este curso, como a programación infantil de Cineuropa, os roteiros polo patrimonio da cidade ou pola súa memoria e os concertos da Escola Municipal de Música.
Finalmente abriuse unha quenda de diálogo co persoal directivo para recoller as súas prioridades, sobre todo as máis urxentes, co obxectivo de solucionalas canto antes.