TURISMO
O programa Spain 360º Annual Workshop terá lugar en tres localizacións privilexiadas: a sede de Turespaña no One World Trade Center, o hotel The Knickerboxer en Times Square e a Hispanic Society of America.
O mercado estadounidense é fundamental para Santiago de Compostela, pois en só seis anos pasou de aportar as 20.640 pernoctacións do 2009 ás 65.827 rexistradas no 2015, situándose como terceiro mercado emisor, por detrás de Italia e Alemaña. Este espectacular crecemento do 218%, iniciado no Ano Santo do 2010, obedece en boa parte á popularidade do Camiño de Santiago e a súa meta tras a estrea do filme The Way, de Martin Sheen, que contou co apoio da Santiago da Compostela Film Commission.
Nas sesións técnicas do evento, que inclúen presentacións dos destinos e empresas participantes e taller "business to business", participarán, ademais de Turismo de Santiago, os entes turísticos autonómicos e locais de Galicia, Andalucía, Costa del Sol, Sevilla, Aragón, País Vasco, Bilbao, Cataluña, Barcelona e Tarragona, entre outros.
Turismo de Santiago preséntase en Nova York ante axentes de Estados Unidos e Canadá
21/10/2016 Entre o 23 e o 25 de outubro, Turismo de Santiago estará presente no evento Spain 360º Annual Workshop, organizado conxuntamente en Nova York polas catro Oficinas de Turismo de España en Estados Unidos e as dúas de Canadá.
Estas xornadas directas de turismo cultural e gastronómico teñen por obxecto facilitar o contacto directo dos mellores destinos e empresas españolas cos máis destacados axentes, turoperadores, maioristas e organizadores de congresos de EEUU e Canadá, especializados nunha ampla variedade de temáticas, como viaxes de alta gama, viaxes para "celebrities", paquetes a medida, programas culturais, turismo de eventos e experiencias, viaxes académicas, turismo enogastronómico, deportivo e de aventura, caza e pesca, e todo tipo de vacacións de familia, grupos, terceira idade, corporativos e de empresa.O programa Spain 360º Annual Workshop terá lugar en tres localizacións privilexiadas: a sede de Turespaña no One World Trade Center, o hotel The Knickerboxer en Times Square e a Hispanic Society of America.
O mercado estadounidense é fundamental para Santiago de Compostela, pois en só seis anos pasou de aportar as 20.640 pernoctacións do 2009 ás 65.827 rexistradas no 2015, situándose como terceiro mercado emisor, por detrás de Italia e Alemaña. Este espectacular crecemento do 218%, iniciado no Ano Santo do 2010, obedece en boa parte á popularidade do Camiño de Santiago e a súa meta tras a estrea do filme The Way, de Martin Sheen, que contou co apoio da Santiago da Compostela Film Commission.
Nas sesións técnicas do evento, que inclúen presentacións dos destinos e empresas participantes e taller "business to business", participarán, ademais de Turismo de Santiago, os entes turísticos autonómicos e locais de Galicia, Andalucía, Costa del Sol, Sevilla, Aragón, País Vasco, Bilbao, Cataluña, Barcelona e Tarragona, entre outros.