Noticias

EDUCACIÓN E CIDADANÍA

Servizos de comedor e de madrugadores na rede de centros públicos de educación infantil e primaria do Concello de Santiago de Compostela: aberto prazo de solicitude de matrícula

01/05/2020 A Xunta de Goberno Local aprobou os prazos e o procedemento de matrícula nos servizos de comedor e de madrugadores para o curso 2020-2021, do que se benefician dez centros de ensino públicos: Apóstolo Santiago, Quiroga Palacios, As Fontiñas, Roxos-Villestro, Vite, Mestre Rodríguez Xixirei (A Lavacolla), Monte dos Postes, Raíña Fabiola e Ramón Cabanillas e, no caso do CEIP Arquitecto Casas Novoa, só o servizo de madrugadores. O prazo de presentación de solicitudes de matrícula estará aberto entre o 30 de xuño e o 14 de xullo (ambos os dous inclusive).

O servizo de comedores e madrugadores organízao o Concello de Santiago de Compostela no marco dun convenio de colaboración coa Consellería de Educación para prestar un servizo ás familias con menores a cargo, que favoreza a conciliación da vida laboral, familiar e persoal e tamén a adquisición de valores e hábitos saudables desde a infancia.

A empresa Alimentación Saludable Gallega, S.L., que presta os servizos dende o 1 de febreiro 2020, pon a disposición das familias usuarias do servizo os seguintes datos de contacto:

- Teléfono 606 940 087
- Correos electrónicos: atencioncomedorsantiago@alimentacionsaludablegallega.com e facturacionsantiago@alimentacionsaludablegallega.com

Toda a información para as familias sobre o servizo atópase incluída nos documentos adxuntos.