CONSORCIO
Tanto o Día das Letras Galegas como o Día Internacional dos Museos, regalaranse libros aos visitantes da Casa do Cabido ata que se esgoten as existencias.
As persoas que se acheguen estes días á Casa do Cabido terán ademais a oportunidade de facer un percorrido pola exposición Airiños Aires, Rosalía, que reúne 50 instantáneas coas que o fotógrafo galego Xurxo Lobato lle rende a súa particular homenaxe á ilustre poetisa. Son imaxes en branco e negro, acompañadas na súa maioría por fragmentos de poemas de Rosalía. Amosan os lugares máis relevantes da biografía da autora, xunto con aqueles que poetizou.
A Casa do Cabido abrirá o martes 17 e o mércores 18 no seu horario habitual, de 10:00 a 14:00 horas pola mañá e de 17:00 a 21:00 horas pola tarde.
O Consorcio celebra o Día das Letras coa entrega de libros en galego a todas as persoas que visiten a Casa do Cabido o 17 de maio
16/05/2016 Con motivo da celebración do Día das Letras Galegas, este martes, 17 de maio, o Consorcio de Santiago fará entrega de publicacións en galego a todas as persoas que visiten a Casa do Cabido (na praza das Praterías) ao longo da xornada, tanto a adultos como ao público infantil e xuvenil.
Ao día seguinte, o mércores 18, conmemórase o Día Internacional dos Museos, polo que o organismo tamén obsequiará con libros do seu fondo editorial aos visitantes da Casa do Cabido. Trátase de exemplares relacionados coa literatura, a arte e a historia en Santiago. Pertencen ás diferentes bibliotecas do Consorcio. Así, o organismo posúe un total de seis coleccións diferenciadas: a biblioteca facsimiliar, a científica, a biblioteca de divulgación xacobea, a literaria, a biblioteca de imaxes e a biblioteca infantil e xuvenil.Tanto o Día das Letras Galegas como o Día Internacional dos Museos, regalaranse libros aos visitantes da Casa do Cabido ata que se esgoten as existencias.
As persoas que se acheguen estes días á Casa do Cabido terán ademais a oportunidade de facer un percorrido pola exposición Airiños Aires, Rosalía, que reúne 50 instantáneas coas que o fotógrafo galego Xurxo Lobato lle rende a súa particular homenaxe á ilustre poetisa. Son imaxes en branco e negro, acompañadas na súa maioría por fragmentos de poemas de Rosalía. Amosan os lugares máis relevantes da biografía da autora, xunto con aqueles que poetizou.
A Casa do Cabido abrirá o martes 17 e o mércores 18 no seu horario habitual, de 10:00 a 14:00 horas pola mañá e de 17:00 a 21:00 horas pola tarde.