ALCALDÍA
Martiño Noriega felicitou o Nadal ás traballadoras e traballadores do Concello
18/12/2015 O alcalde de Santiago, Martiño Noriega, presidiu a tradicional recepción de Nadal aos traballadores e traballadoras do Concello e dos diferentes organismos autónomos e empresas públicas vinculados ao mesmo, que nesta ocasión acudiron en gran número ao salón vermello do Pazo de Raxoi.
Martiño Noriega valorou o labor dos empregados municipais e expresoulles a vontade de seguir traballando para a recuperación dos dereitos perdidos polos mesmos durante os últimos anos. A todos eles desexoulles un bo Nadal e un venturoso ano 2016.