TURISMO
Na axenda de reunións do Santiago de Compostela Convention predominan as axencias e touroperadores internacionais especializados en viaxes de incentivos e teambuilding procedentes de Italia, Alemaña, EEUU, Brasil, Xapón e Polonia, entre outros mercados interesantes para a cidade.
Santiago de Compostela promociónase en Barcelona como cidade de congresos
17/11/2015 Turismo de Santiago, a través do seu servizo para a promoción da cidade como destino de Congresos, Xornadas e Incentivos, o Santiago de Compostela Convention Bureau, participa na IBTM World, a feira máis importante do sector congresual no mercado español, que se celebra en Barcelona entre o 17 e 19 de novembro.
IBTM World reúne cada ano a unha comunidade global duns 3.000 provedores e máis de 10.000 organizadores profesionais, que teñen oportunidade de coñecerse e establecer relacións comerciais a través dun sistema de encontros individuais concertados previamente.Na axenda de reunións do Santiago de Compostela Convention predominan as axencias e touroperadores internacionais especializados en viaxes de incentivos e teambuilding procedentes de Italia, Alemaña, EEUU, Brasil, Xapón e Polonia, entre outros mercados interesantes para a cidade.