POLÍTICAS SOCIAIS
O Foro Galego da Inmigración destaca que en Santiago hai case 300 persoas en situación irregular, ás que se lle esixe que acrediten ter cotizado á Seguridade Social cando menos 12 dos últimos 24 meses. A concelleira de Políticas Sociais instou "ao Goberno do Estado español a que cesen as deportacións exprés, mediante as cales a policía deporta a veciños e veciñas do municipio baixo un réxime de detención de 72 horas, sen previo aviso e sen que medie ningún tipo de asistencia letrada" e que derogue o Protocolo de Deportación de 2007, que permite a sedación forzosa ou a súa inmobilización con correas ou camisas de forza.
Actividades
Este domingo ás 16 horas no Centro Sociocultural de Cornes realizarase un evento intercultural para unir a persoas da cidade con persoas migrantes, co fin de motivar as persoas e loitar contra as dificultades coas que se atopan. Haberá actividades de tipo lúdico, festivo e gastronómico.
A concelleira de Políticas Sociais reúnese co Foro Galego da Inmigración
04/11/2015 A concelleira de Políticas Sociais, Concha Fernández, recibiu no Pazo de Raxoi o Foro Galego da Inmigración, cos que falou sobre unha moción a levar ao próximo Pleno sobre os centros de internamento de estranxeiros (CIE). O obxectivo pasa agora por reunirse co resto de grupos políticos para elaborar unha declaración conxunta que poida ser aprobada pola Corporación. Na moción quere manifestarse o compromiso do Concello en traballar pola erradicación do racismo na cidade e pola igualdade de dereitos e oportunidades para toda a cidadanía.
Outro dos aspectos a recoller na moción pasa por manifestar o compromiso de emprender medidas municipais en base á legalidade e competencias existentes, co obxectivo de garantir que ningunha persoa sexa identificada e detida por cuestións raciais e privada de liberdade polo feito de atoparse en situación administrativa irregular. En base a iso, comunicaríase aos diferentes corpos policiais que actúan na cidade, de forma escrita e mediante os organismos de coordinación existentes, a oposición do Concello á identificación baseada en perfil racial, a detención e traslado aos CIE de ningún veciño ou veciña do municipio.O Foro Galego da Inmigración destaca que en Santiago hai case 300 persoas en situación irregular, ás que se lle esixe que acrediten ter cotizado á Seguridade Social cando menos 12 dos últimos 24 meses. A concelleira de Políticas Sociais instou "ao Goberno do Estado español a que cesen as deportacións exprés, mediante as cales a policía deporta a veciños e veciñas do municipio baixo un réxime de detención de 72 horas, sen previo aviso e sen que medie ningún tipo de asistencia letrada" e que derogue o Protocolo de Deportación de 2007, que permite a sedación forzosa ou a súa inmobilización con correas ou camisas de forza.
Actividades
Este domingo ás 16 horas no Centro Sociocultural de Cornes realizarase un evento intercultural para unir a persoas da cidade con persoas migrantes, co fin de motivar as persoas e loitar contra as dificultades coas que se atopan. Haberá actividades de tipo lúdico, festivo e gastronómico.