Agenda

A oitava edición do Premio Auditorio de Galicia para Novos Artistas, do ano 2013, ofrece a oportunidade de acceder á arte máis actual, un conxunto de 46 obras onde a frescura dos novos artistas se fai presente a través de diferentes métodos de representación. Así podemos encontrar dende os procedementos máis tradicionais como o óleo sobre lenzo ata imaxes virtuais, recreacións de cámaras escuras ou instalacións audiovisuais. Nesta edición, o primeiro dos premios foi para Olaia Sendón; o segundo para María Castellanos e o accésit para Jesús Madriñán.

Ata o 3 de agosto, no Auditorio de Galicia.

Máis información: Compostela Capital Cultural

O Consorcio de Santiago promove a exposición Compostela interpreta os pioneiros da fotografía na Casa do Cabido. Trátase de 51 instantáneas realizadas por outros tantos fotógrafos da Asociación Cultural Fotoforum Compostela, que decidiron reinterpretar as imaxes dos grandes mestres desta arte entre 1840 e 1930.

A mostra pode visitarse na Casa do Cabildo ata o 3 de xullo; de martes a sábado, polas mañás de 10.00 a 14.00 horas e polas tardes de 17.00 a 21.00 horas. Os domingos a Casa do Cabido abre de 11.00 a 14.00 horas e os luns permanece pechada.

A exposición Ayer y hoy de los caminos a Santiago por Castilla y León. El Camino Francés é unha iniciativa promovida pola Xunta de Castela e León e impulsada pola Sociedade de Xestión do Plan Xacobeo. Esta mostra itinerante reúne 58 imaxes antigas en branco e negro de diversos lugares do Camiño Francés ao seu paso polas provincias de Burgos, Palencia e León. As fotografías forman parte dos fondos da Filmoteca de Castela e León e pertencen a diferentes autores. A estas instantáneas antigas contrapóñense outras tantas actuais, realizadas en cor polo fotógrafo valisoletano José Luis Santos Cid, que buscou a perspectiva e o encadre máis semellantes aos das orixinais. Móstrase así a evolución do Camiño ao seu paso pola comunidade leonesa nos últimos 40 anos.

A exposición poderá visitarse ata o 4 de xullo; de martes a sábado, polas mañás de 10.00 a 14.00 horas e polas tardes de 17.00 a 21.00 horas. Os domingos e festivos o Museo das Peregrinacións e de Santiago abre de 11.00 a 14.00 horas e os luns permanece pechado.

Exponse na Fundación Novacaixagalicia Maside en Compostela. O testamento pictórico do mestre, un proxecto no que colaboran o Concello de Santiago, a familia de Carlos Maside e a devandita Fundación. A través de 31 obras de diversas temáticas, e realizadas con diferentes técnicas que van dende o óleo ata a acuarela, pasando pola tinta china sobre pergameo, o proxecto expositivo presenta un percorrido pola obra e vida deste artista de traxectoria singular que se converteu no principal referente ideolóxico da xeración dos renovadores.

Ata o 31 agosto de 2015, en horario de luns a domingo de 12:00 a 14:00 e de 17:00 a 21:00 horas, no Centro Cultural da Fundación Novacaixagalicia.

Para conmemorar o Día Europeo da Música, o sábado 21 de xuño, a Concellería de Xuventude, a través do seu programa Compostela Actúa, organiza unha actuación na que intervirán dúas das disciplinas que se traballan no proxecto: o grupo musical Instrumentals, formado por 5 mozos, e o grupo coral Glee Club, que conta con 25 participantes.

O sábado 21 de xuño, ás 12:00 horas, na praza das Praterías.

Novena edición do festival Via Stellae, nesta ocasión con 23 concertos vinculados fundamentalmente ao Barroco, á música antiga e á interpretación historicista.

Do 20 de xuño ao 15 de xullo en diversos espazos da cidade.

• Programa Via Stellae

A Asociación Minho Reggae aposta pola difusión da música reggae galega, reunindo a algunhas das bandas máis representativas da Comunidade co fin de ofrecerlle ao público a posibilidade, en colaboración co ciclo Compostela Rock, de asistir á primeira noite temática reggae na que só participan bandas galegas: unha cita de reunión para todos os artistas e amantes deste estilo musical, así como unha plataforma para os grupos de reggae, tanto noveis como de longa traxectoria, para darse a coñecer e amosar o seu traballo.

O sábado 21 de xuño, ás 20:30 horas, na Sala Capitol.

Máis información: Compostela Capital Cultural

Tras o éxito da edición anterior, o Campionato Galego de Improvisación 2014, Improfighter, chega á final. A impro é un xénero teatral que triunfa en todo o mundo e que pouco a pouco está conquistando novos públicos en Galicia. A inmediatez, os sketches xerados no momento, o alto nivel de comedia, son os factores que enganchan cada día a máis persoas. Será o público o que decida o gañador na gran final.

O sábado 21 de xuño, ás 21:00 horas, no Teatro Principal.

Máis información: Compostela Capital Cultural