Avisos

A partir do luns 21 de novembro, varios servizos do autobús que cobre a ruta de Pardaces da liña P7 modificarán uns minutos a súa saída:

Luns a venres laborables:

*Pardaces - Porta do Camiño, 6:50 --- pasa a realizarse ás 6:45

*Pardaces - San Caetano, 7:30 --- pasa a realizarse ás 7:20

*San Caetano - Peregrina (circular Aradas), 7:55 --- pasa a realizarse ás 7:45

*Volta Peregrina-Aradas-Pardaces-Porta do Camiño, 8:15 --- pasa a realizarse ás 8:05

Os restantes horarios da liña se manteñen como na actualidade.

A partir do vindeiro luns, 21 de novembro, a rúa Costa do Vedor quedará cortada ao tráfico por mor da realización de obras para a reparación da parte da calzada que conta con chapacuña. O tramo afectado, que se estende dende o cruce coa rúa Pablo Leis ata a Cruz de San Pedro (dos números 2 ao 14 e do 1A ao 17), estará totalmente pechado á circulación durante 12-14 días, o tempo necesario para o fraguado do material.

No resto da rúa, os residentes poderá acceder aos seus garaxes a través da rúa Quiroga Palacios, polo que para facillitar o posible cruce entre vehículos,quedará prohibido o aparcamento en superficie das dúas zonas existentes da rúa.

De igual modo, o luns día 28 de novembro, as obras de reparación do pavimento trasladaranse á rúa das Fraguas. Nesta caso, a realización dos traballos permitirá a circulación dos vehículos, pero o espazo de estacionamento estará destinado ao paso dos vehículos, polo que quedará prohibido o aparcamento.

O Concello de Santiago prega á cidadanía que desculpe as molestias que estas alteracións lles poidan ocasionar.

No marco do proceso da implantación do servizo de fibra óptica, pecharase ao tráfico a rúa dos Xasmíns dende o martes 15 de novembro durante 15 días.

O Concello de Santiago prega á cidadanía que desculpe as molestias que estas alteracións lles poidan ocasionar.

A partir do vindeiro venres día 11 de novembro darán comezo as obras para a substitución do empedrado existente na calzada deste cruce, por unha plataforma de formigón. O cruce que conta con preferencia peonil quedará cortado totalmente á circulación ata o final deste mes de novembro.

Para a realización destes traballos son necesarios os seguintes cambios no tráfico:

Rúa Montero Ríos:
Quedará cortada á circulación dende o cruce coa rúa da Rapa da Folla. Só poderán acceder os residentes do tramo afectado e os vehículos de carga e descarga. A saída para os vehiculos será pola rúa de Alfredo Brañas. Polo tanto, durante as obras, o tramo entre esta rúa e o punto en obras será de dobre sentido.

O tramo final da rúa Montero Ríos, entre Xeneral Pardiñas e a rúa Doutor Teixeiro, tamén sufrirá restriccións, podendo acceder a él dende a praza de Galicia só os residentes e os taxis á súa zona de espera habitual, facendo a entrada e a saída dende este punto.

Rúa Xeneral Pardiñas:

Esta rúa quedará cortada ó tráfico desde o cruce coa rúa República do Salvador. So poderán acceder os vehículos dos residentes deste tramo e os de carga e descarga, realizando tanto a entrada como a saída dende o mencionado cruce.

O primeiro tramo da rúa Xeneral Pardiñas, entre a rúa de Montero Ríos e a rúa Carreira do Conde. quedará invertido o seu sentido de circulación, accedendo só os residentes e a carga e descarga dende a Carreira do Conde, polo que é necesario invertir tamén o seu sentido de circulación, realizando a entrada dende a rúa Rapa da Folla e a saída obrigatoria cara a rúa da Senra.

Transporte urbano

Durante as obras, as liñas de transporte urbano 5, 13, 15, C11 e P6 sufrirán as seguintes modificacións no seu percorrido:

Paradas suprimidas:

-673 Xeneral Pardiñas nº 35

-674 Xeneral Pardiñas nº 7

Desvíos:

*Liña 5 (traxecto Rocha – Vite), liña 15 (traxecto Campus Sur - Campus Norte) e liña P6 (traxecto Rosa - Polígono do Tambre): desde a rúa República Arxentina desviaranse pola praza de Ponte Castro, rúa do Hórreo e cambiarán de sentido na pza. de Galicia para acceder á parada habitual 409 (pza. de Galicia, sentido norte).

*Liña 13: rematará o seu percorrido na pza. de Galicia, desde onde iniciará de novo cara Belvís.

*Liña C11: desde a rúa Santiago de Guayaquil desviarase pola rúa do Hórreo e cambiará de sentido na pza. de Galicia para acceder á parada habitual 409 (pza. de Galicia, sentido norte).

O Concello de Santiago prega á cidadanía que desculpe as molestias que estas alteracións lles poidan ocasionar.

O vindeiro luns día 7 de novembro darán comezo as obras de construción da nova rotonda da rúa do Hórreo, situada á altura da rúa de San Pedro de Mezonzo.

Os traballos terán unha duración aproximada dunha semana, condicionada pola climatoloxia para a súa terminación, tanto das obras como da sinalización horizontal e vertical.

O tráfico quedará afectado de forma que os dous carrís de subida e os dous de baixada pasarán a un só carril en cada sentido no tramo afectado polas obras.

O Concello de Santiago de Compostela prega á cidadanía desculpe as molestias que estas alteracións no tráfico lles poidan ocasionar.

Debido aos traballos de mellora do último tramo do muro da rúa do Pombal, dende o vindeiro martes día 8 de novembro, o carril de subida desta rúa vai quedar cortado ó tráfico.

O corte á circulación será efectivo dende as 9,30 horas do día 8 e terá unha duración aproximada de 30 días. Os vehículos, incluidas as liñas do transporte urbano, desviaranse no cruce cor rúa de Galeras polas rúas de Poza de Bar e San Lourenzo cara o Campus Universitario.

Transporte público

Debido ao peche ao tráfico en sentido de subida da rúa do Pombal, as liñas indicadas de seguido realizarán un percorrido alternativo, a partir das 9:30 do vindeiro martes día 8 de novembro e polo tempo que duren as obras.

Desvíos:

*Liña 4, traxecto Romaño – As Cancelas.

*Liña 9, traxecto Casas Novas – Cidade da Cultura.

*Liña C4, circulando desde Galeras a hospitais.

*Liña P1, traxecto Folgoso – San Caetano.

*Liña P7, traxectos desde Grixoa, Peregrina e Pardaces a Porta do Camiño e San Caetano.

Estas liñas nos traxectos indicados desviaranse por Poza de Bar, avda. das Burgas, avda. da Coruña e Rosalía de Castro.

Paradas suprimidas:

Quedará suprimida a parada 553, San Clemente (Alameda, en sentido a Senra) para todas esas liñas, e a maiores, a parada 113, Xoán Carlos I (igrexa do Pilar) para a liña C4.

Paradas alternativas no desvío:

As liñas 4, 9, P1 e P7 realizarán como paradas alternativas:

- 78, avda. da Coruña (cruce Feáns)

- 112, avda. Xoán Carlos I, sentido Senra

A liña C4 realizará soamente a parada 78, avda. da Coruña (cruce Feáns).

O Concello de Santiago prega á cidadanía que desculpe as molestias que estas alteracións lles poidan ocasionar.

Con motivo das obras que se levarán a cabo na zona de Villestro, a liña P8 rematará antes o seu percorrido:

A liña rematará o percorrido antes das obras da ponte na recta de Feáns, sendo a súa derradeira parada a 235.

Quedarán suprimidas mentres duren as obras as seguintes paradas, nos dous sentidos de circulación:

-233 e 236, Feáns

-257 e 258, Fraíz de Arriba

-427, Reborido

Na semana do 10 ao 16 de outubro, o servizo de control de estacionamento continuará cos labores informativos iniciados en días pasados no estacionamento da zona 3 (zona verde destinada a residentes), que abrangue o entorno da rúa de San Pedro, o estacionamento de Altiboia, Triacastela e zona de Concheiros. Así, a partir do vindeiro luns 17 de outubro o servizo de control integrará a zona 3 de maneira efectiva.

Lémbrase a todos os veciños e veciñas con tarxeta de residentes que actualicen e revisen a súa condición de residentes. Finalmente, recódase a necesidade dun bo uso das prazas de aparcamento express.

NOTA INFORMATIVA:

INSTALACIÓN DA REDE DE DISPERSIÓN DA FTTH
(Rede de Fibra Óptica na Cidade Histórica)

As operadoras de telefonía están a despregar unha rede de distribución de fibra óptica FTTH en todo o ámbito do Plan Especial de Protección e Rehabilitación da Cidade Histórica de Santiago de Compostela (PE1). A instalación da rede de distribución (RD) realízase polas fachadas dos inmobles e está constituída por cable e caixas terminais ópticas (CTO). O trazado polas fachadas faise consonte o criterio de mínimo impacto visual no patrimonio histórico. Esta rede compártese por todas as empresas ou operadores de telefonía interesados en ofrecer os seus servizos na Cidade Histórica.

Para executar a rede de dispersión (acometidas a cliente), todos estes operadores deberan cumprir as condicións que seguen:

Cuestións xerais
- Evitarase a disposición de cableado sobre elementos catalogados de cantería, como molduras, cornixas, selos, escudos, lousas de balcóns e os seus apoios, recercados do ocos etc., e tamén sobre os números de policía.
- Así mesmo, evitarase a afectación de elementos interiores catalogados, como carpinterías de portas e ventás de madeira, vidreiras, chanzos e varandas, solados, zócolos de madeira, artesoados, rosetóns e molduras nos ceos rasos etc.
- O aparafusado que sexa necesario na cantería realizarase preferentemente nas súas xuntas.

Punto de acometida ao edificio
- Todas as altas deberán realizarse polo mesmo punto de acometida ao portal do edificio.
- Con carácter xeral, empregaranse os puntos de acceso aos portais xa existentes, salvo que afecten neqativamente a algún elemento catalogado de cantería. Neses casos será necesario modificar o acceso executando unha nova perforación nalgunha zona da fachada onde se reduza a afectación.
- Evitaranse as carpinterías dos ocos como puntos de acometida.
- Non será autorizable o acceso a cada unha das vivendas ou locais a través das súas fachadas exteriores.

Tramos desde CTO a puntos de acometida
- O tendido desde a CTO ata o punto de acometida realizarase obrigatoriamente segundo o deseño reflectido na reportaxe fotográfica da actuación presentada polo operador correspondente para a solicitude de licenza e que foi autorizada polo Concello.
- Este trazado escollerase en función das características particulares de cada edificio catalogado e de acordo co criterio de mínimo impacto visual.
- O tendido do cable de acometida compartirá na súa maior parte o percorrido da rede de distribución de fibra óptica. Neste caso, o cable suxeitarase con bridas a esta rede, sen aparafusar á fachada.
- Os percorridos non compartidos realizaranse con trazados de forma ortogonal. Todos os cables de acometida terán que disporse unificados; o primeiro cable de alta que se execute nun edificio poderá ancorarse con parafusos á fachada e os seguintes irán suxeitos con bridas a este.
- Rede interior do edificio
Recoméndase que os tendidos das altas se dispoñan unificadas tamén polo interior do edificio.
No tendido interior empregaranse con carácter xeral os elementos comúns do edificio como condutos e patinillos de instalacións existentes, escaleiras e patios Interiores.

Comunicación da intención de realizar un alta
- As empresas instaladoras deberán comunicar cunha antelación mínima de 12 horas a súa intención de realizar cada acometida a cliente ou alta para que poida ser supervisada por parte dos servicios municipais.
- O Consorcio de Santiago realiza o apoio técnico a todo o despregamento, polo que esta comunicación deberá enviarse ao enderezo electrónico oficinatecnica@consorciodesantiago.org Para calquera dúbida tamén poden chamar ao teléfono 981 574 700. Unha vez realizada esta comunicación, a Oficina Técnica do Consorcio facilitará a reportaxe fotográfica do operador correspondente.

No marco do proceso da implantación do servizo de fibra óptica no ámbito do PE1, pecharase ao tráfico o rueiro de Figueiriñas dende o luns 3 de outubro e durante 15 días.

O Concello de Santiago prega á cidadanía que desculpe as molestias que estas alteracións lles poidan ocasionar.