Festas do Apóstolo 2016

As festas do Apóstolo entran na súa recta final, pero mañá aínda vivirán unha das noites máis agardadas da programación, co concerto de Nik West e Mambo Jambo na praza da Quintana. Será partir das dez da noite, con entrada libre.

As festas do Apóstolo tiveron este mércores unha das súas citas máis tradicionais, o Día de Padrón, celebración que tamén se mantén á inversa –na honra de Santiago- na Pascua da vila veciña. Como cada ano, foi o momento de renovar a colaboración e de estreitar os lazos entre os dous municipios.

As festas do Apóstolo viviron este mércores unha das súas xornadas máis musicais. O concerto máis importante do día foi o que ofreceron na praza da Quintana Molotov Jukebox e Banda Crebinsky.

A concelleira de Acción Cultural, Branca Novoneyra, presentou esta mañá as actuacións da Música a pé de rúa, que encherán tres prazas do Ensanche durante a tarde deste mércores. Na rolda estivo acompañada de dous mozos participantes.

A programación das festas do Apóstolo vén de incorporar unha nova actividade, que se vai desenvolver mañá xoves, ás 13:00 horas, na praza da Quintana. Trátase da actuación do coro Saint Luc Banabakintu, un grupo de Costa do Marfil creado en 1974 e que habitualmente canta nunha parroquia de Adjamé, a capital do país. A agrupación leva tempo percorrendo Galicia, para dar a coñecer a realidade cultural e social de Costa do Marfil.

A Banda Municipal de Música e a Real Filharmonía de Galicia serán as protagonistas, este xoves, da programación das festas do Apóstolo.

Os protagonistas musicais deste martes nas festas do Apóstolo foi a banda de rock estadounidense The Dandy Warhols, que ofreceu un agardado concerto na praza da Quintana.

As festas do Apóstolo vivirán este mércores unha das súas xornadas máis musicais. O concerto máis importante da xornada será o que ofrezan na praza da Quintana, a partir das 21:30, Molotov Jukebox e Banda Crebinsky.

O 25 de xullo, festividade do Apóstolo e Día de Galicia, volveu reunir milleiros de persoas nas rúas compostelás, que gozaron dunha xornada calurosa e con actividades en diferentes partes da cidade.

Un ano máis, a noite do 24 de xullo volveu congregar a milleiros de persoas nas rúas de Compostela para presenciar, dende a praza do Obradoiro ou dende outros puntos da cidade, os tradicionais Fogos de Apóstolo. Santiagueses e visitantes gozaron dunha intensa sesión pirotécnica, que completou un espectáculo audiovisual que repasou parte da historia e dos personaxes ilustres da cidade.