FESTAS
No seu paso por Compostela, o grupo africano interpretará temas dunha rexión concreta do país, Segou, berce dunha música pouco explotada pero que é a orixe do coñecido blues. Sobre o escenario da Quintana, o cuarteto africano interpretará temas do seu álbume Segou Blue. Este primeiro disco de Bassekou fixo historia, xa que é o único onde atopamos un cuarteto de ngonis e situouse como terceiro Mellor Disco dos Charts World Music de Europa no 2007. Pero antes, xa colaborara con grandes da música como Taj Mahal, Santana ou o grupo español Ketama.
Bassekou Kouyate & Ngoni Ba trae os ritmos de Mali a Compostela
21/07/2008 O grupo de Mali Bassekou Kouyate & Ngoni Ba o martes 22, ás 23:00 horas, na praza da Quintana. Este concerto gratuíto, que forma parte do Compostela Festival, promete unha gran variedade de ritmos africanos co acompañamento dun instrumento de corda con moita tradición no seu país de orixe, o ngoni.
Segundo explicou un dos membros do grupo en rolda de prensa, Bassekou Kouyate, o ngoni é un instrumento do século oito, feito de pel de vaca, madeira e con fío de pescar como cordas, que se tocaba nos grandes acontecementos e para ofrecer recitais ante os monarcas.No seu paso por Compostela, o grupo africano interpretará temas dunha rexión concreta do país, Segou, berce dunha música pouco explotada pero que é a orixe do coñecido blues. Sobre o escenario da Quintana, o cuarteto africano interpretará temas do seu álbume Segou Blue. Este primeiro disco de Bassekou fixo historia, xa que é o único onde atopamos un cuarteto de ngonis e situouse como terceiro Mellor Disco dos Charts World Music de Europa no 2007. Pero antes, xa colaborara con grandes da música como Taj Mahal, Santana ou o grupo español Ketama.