Noticias

O Hostal dos Reis Católicos acolleu esta mañá a presentación do Plan Estratéxico Talentia 2019-2021, que busca dinamizar o emprego partindo do talento, non só en Compostela senón na súa contorna. O acto estivo presidido polo alcalde, Martiño Noriega, e nel participaron a concelleira de Desenvolvemento Económico, Marta Lois; o responsable do Comité Executivo de Finsa, Fernando Segade, e o responsable de Innovación de Televés, José Manuel Álvarez. Ademais, asistiron preto de 90...

A praza do Obradoiro acolleu este mediodía un minuto de silencio para condenar o último asasinato machista, acontecido este sábado en Dos Hermanas (Sevilla).

A Real Filharmonía de Galicia celebra esta semana dous concertos. O primeiro será o mércores 30 no Auditorio de Ferrol, ás 20:30 horas, en colaboración coa Sociedade Filharmónica Ferrolá. E o xoves 30, a orquestra tocará na súa sede, o Auditorio de Galicia, tamén ás 20:30 horas, no marco da súa tempada de abono. A batuta de ambos os concertos levaraa o mestre venezolano Manuel Hernández-Silva, director musical e artístico da Orquestra Filarmónica de Málaga e da Orquesta...

O Pleno da Corporación aprobou hoxe de maneira definitiva a ordenanza municipal reguladora de terrazas e quioscos de hostalería. O texto, que incorporou parte das alegacións presentadas tras a aprobación inicial da ordenanza, contou cos votos a favor de Compostela Aberta e a abstención do resto de grupos municipais.

O Hostal dos Reis Católicos acolle o próximo luns un acto no que o Concello dará a coñecer, diante de responsables de empresas, xestores de Recursos Humanos, colexios profesionais, asociacións, entidades e expertos/as o novo Plan Estratéxico Talentia 2019-2021. Asistirán o alcalde, Martiño Noriega; a concelleira de Igualdade, Desenvolvemento Económico e Turismo, Marta Lois, e dous responsables das empresas Televés e Finsa. Estímase que participen arredor de 100 persoas.

A Xunta de Goberno aprobou hoxe o proxecto técnico da fase I da mellora das infraestruturas do barrio de Vite, que lle afecta á rúa de García Lorca. Na actuación investiranse case 600.000 euros e o prazo de execución será de tres meses.

O alcalde de Santiago, Martiño Noriega, participou esta mañá nos actos que o Grupo Cidades Patrimonio da Humanidade desenvolveu durante a xornada de hoxe no marco de Fitur 2019. A axenda comezou coa xuntanza da Asemblea de Alcaldes e Alcaldesas e continuou coa renovación de varios convenios para a promoción das 15 cidades.

O concelleiro de Espazos Cidadáns, Dereito a Vivenda e Mobilidade, Jorge Duarte, asistiu esta mañá a unha xuntanza presidida pola conselleira de Infraestruturas, Ethel Vázquez, na que se deu conta do avance dos traballos de mellora e integración paisaxística dos Camiños de Santiago na súa entrada no termo municipal. Na xuntanza estiveron tamén o director da Axencia Galega de Infraestruturas, Francisco Menéndez e os voceiros dos grupos municipais.

A concelleira de Deporte, Noa Morales, presentou este xoves os detalles do Campionato de España Sub-16 e Sub-18 de Rugby, que celebra a súa primeira xornada o sábado 26 de xaneiro en Compostela. Na rolda estivo acompañada do secretario da Federación Galega de Rugby, Javier Fernández; o delegado da Selección Galega sub-18 e vicepresidente da Asociación Valentes, Diego Pagnotta; o técnico de Deporte da USC, Miguel Magán, e os xogadores sub-18 e sub-16 da Selección Galega, Nacho Pagnotta e Sergio Pérez.

O alcalde reivindicou hoxe o papel de Santiago como "destino dun turismo de calidade, que aporte un valor engadido á cidade e que permita que Compostela non perda nunca a súa esencia e a súa identidade". Foi durante a presentación da capital galega en Fitur, a Feira Internacional de Turismo que se celebra en Madrid. Martiño Noriega incidiu en que "Compostela está plenamente consolidada como destino turístico, e os esforzos feitos nos últimos anos na promoción internacional da cidade están dando os seus...