CONSORCIO
O Consorcio realiza visitas guiadas pola exposición que conmemora os seus 25 anos de traballo no patrimonio histórico e cultural da cidade
Baixo o título Consorcio de Santiago, Cultura e Patrimonio. 25 anos do Consorcio na cidade, o organismo promove unha exposición que repasa a súa traxectoria. A mostra ten dúas sedes, a Casa do Cabido (na praza das Praterías), onde se reúne o labor cultural da entidade; e a Fundación Torrente Ballester, que concentra as súas actuacións no patrimonio histórico.
TURISMO
Santiago(é)tapas permitirá degustar máis de 100 tapas en 70 locais da cidade
O cociñeiro Jorge Gago, do restaurante A Maceta, preparou en directo na praza Roxa a tapa gañadora do Premio do xurado da edición de Santiago(e)tapas 2016, "Xurelo San Simón". Con esta acción na rúa, no que participou a concelleira de Turismo, Marta Lois, anunciouse o comezo da décima edición do concurso de tapas de Santiago, que terá lugar do 2 ao 19 de novembro.
TURISMO
A Oficina de Información de Turismo de Santiago adapta un espazo para a acollida de turistas e peregrinos
A Oficina de Información Turística de Turismo de Santiago estrea un novo espazo de acollida para turistas, peregrinos e visitantes que queiran deixar unha mensaxe recollendo as súas experiencias en Santiago e as emocións que lle transmite a cidade, nun proxecto que conta co financiamento da Xunta de Galicia a través da Axencia Turismo de Galicia.
MOCIDADE
Volve o programa "Boas Noites" con máis actividades para a mocidade compostelá nas noites de novembro
A concelleira de Mocidade, Noa Morales, xunto con Nerea Couselo, de Xandoblea, e Hadrián Rei, da Asociación Cultural e Xuvenil Itaca, presentou a segunda edición do programa Boas Noites. Grazas a esta iniciativa, as noites de xoves a sábado do mes de novembro volverán estar cheas de actividades para a mocidade de Compostela.
ALCALDÍA
O alcalde reúnese con representantes da Asociación de Pacientes e Usuarios do CHUS e do sindicato SAGAP
O alcalde de Santiago, Martiño Noriega, e a concelleira de Políticas Sociais, Concha Fernández, mantiveron unha xuntanza esta mañá con representantes da Asociación de Pacientes e Usuarios do CHUS, e do sindicato SAGAP.
MEDIO AMBIENTE
O CIAC programa un obradoiro de lectura de etiquetas e unha mesa redonda sobre intervención sociocomunitaria
En novembro seguen as actividades no Centro de Interpretación Ambiental de Compostela (CIAC), situado no parque de Belvís. Para este mes programouse un obradoiro de lectura de etiquetas, unha mesa redonda sobre intervención sociocomunitaria e o habitual roteiro interpretativo polas Brañas do Sar.
COMERCIO
Éxito de convocatoria do Mercado de Nadal, que xa conta con 130 solicitudes
O número de solicitudes para participar no Mercado de Nadal vai xa polas 130. A inscrición estará aberta ata as 19:00 horas do día 2 de novembro.
