ACCIÓN CULTURAL

A XV edición do programa "Imos de excursión" ofrece 14 viaxes a destinos de Galicia, España e Portugal

23/02/2016

A concelleira de Acción Cultural, Branca Novoneyra, presentou a XV edición do programa Imos de excursión. Desta vez, a oferta promovida pola Rede de Centros Socioculturais componse de 14 viaxes, das que 5 son excursións dun día e 9 viaxes de varias xornadas. O calendario arranca o 24 de marzo cun percorrido de catro días polo País Vasco e rematará a principios de decembro cunha viaxe a Lisboa.

Ler máis

CONVIVENCIA

A Policía Local inspeccionou a pasada semana 54 vehículos de transporte de mercadorías, dos que seis foron propostos para sanción

23/02/2016

Durante a pasada semana, do 15 ao 21 de febreiro, a Policía Local colaborou coa Dirección Xeral de Mobilidade da Xunta de Galicia nunha campaña da Dirección Xeral de Tráfico de control de furgonetas e todo tipo de camións. Inspeccionáronse 54 vehículos, dos que seis foron propostos para sanción: catro deles por exceso de peso autorizado, un por circular cos pneumáticos en mal estado e un por circular sen ter superado a Inspección Técnica de Vehículos (ITV).

Ler máis

ESPAZOS CIDADÁNS E DEREITO Á VIVENDA

A Xunta notifica a aprobación da ARI de Vite

23/02/2016

O Instituto Galego da Vivenda e Solo comunicou esta mañá ao Concello a aprobación da declaración de Área de Rehabilitación Integral para o ámbito de Vite, que lle fora solicitada por acordo da Xunta de Goberno do pasado 7 de agosto. O IGVS e o Concello deberán asinar un convenio específico para o financiamento de actuacións de rehabilitación.

Ler máis
Compartir: