ACCIÓN CULTURAL
David Rodríguez AKA Tina Paterson protagoniza un coloquio na Zona "C"
A Concellaría de Acción Cultural continúa coas súas propostas para debater arredor da cultura, a participación cidadá e as formas de construír a cidade entre todos. Así, se o mes pasado tiñamos a oportunidade de intercambiar opinións con Joana Hurtado, do Can Felipa, arredor da súa experiencia neste centro cívico de Barcelona, este mes de xaneiro poderemos facelo con David Rodríguez AKA Tina Paterson.
MEDIO AMBIENTE
O Plan Director das Zonas Verdes e Espazos Públicos de Santiago articula a cidade a través da natureza e das persoas con medidas aplicables a medio e longo prazo
O concelleiro de Medio Ambiente e Convivencia, Xan Duro, presentou hoxe o Plan Director das Zonas Verdes e Espazos Públicos de Santiago, nunha rolda de prensa na que estivo acompañado polo responsable do documento, o arquitecto Iñaki Alday. O edil explicou que este informe servirá "para definir as estratexias e actuacións a realizar nas distintas zonas do municipio, tanto nas parroquias como no ámbito urbano".
POLÍTICAS SOCIAIS
O Concello aposta pola economía social e colaborativa co proxecto piloto "Colabora"
As concelleiras de Desenvolvemento Económico e de Políticas Sociais, Marta Lois e Concha Fernández, presentaron o primeiro proxecto que se organiza dende o Concello de Santiago para fomentar a economía colaborativa, o proxecto Colabora. As concelleiras estiveron acompañadas pola coordinadora do programa, Chus Prol, e un dos usuarios do mesmo, Iago Raposo.
ALCALDÍA
O alcalde e a concelleira de Políticas Sociais visitan a sede da Asociación Sarela
O alcalde e a concelleira de Políticas Sociais visitaron esta mañá o centro da Asociación de Dano Cerebral Sarela, situado no Castiñeiriño. Martiño Noriega e Concha Fernández quixeron coñecer de primeira man o traballo que desenvolve o colectivo nestas instalacións, así como as súas principais necesidades.
XUNTA DE GOBERNO
Aprobado o procedemento urxente para adxudicar o servizo de comedores escolares
A Xunta de Goberno, nunha reunión extraordinaria celebrada ás 14:00 horas de hoxe martes, aprobou o inicio dun procedemento negociado sen publicidade e pola vía de urxencia, para adxudicar o servizo de comedores escolares para o que resta de curso escolar. No primeiro punto da mesma xuntanza declarouse deserto o procedemento negociado anterior, para poder iniciar o novo trámite.
IGUALDADE E POLÍTICAS SOCIAIS
O Concello e as ANPAS reúnense para tratar a situación dos alumnos e alumnas LGTBI
As concelleiras de Igualdade, Marta Lois, e a de Políticas Sociais, Concha Fernández, reuníronse coa Federación de ANPAS da cidade para tratar os problemas de acoso e bullying que sofre o alumnado LGTBI, en especial os alumnos e as alumnas transexuais. Esta xuntanza coincide coa fundación do colectivo Arelas, que vela polo respecto dos dereitos das persoas transexuais.
