Noticias

O alcalde de Santiago en funcións, Xosé Sanchez Bugallo, asiste mañá en San Cristóbal de La Laguna á Asemblea Xeral do Grupo de Cidades Patrimonio da Humanidade de España, na que se aprobará, entre outros asuntos, o programa de actividades con motivo do 30 aniversario do grupo. O rexedor compostelán participará esta tarde na Comisión Executiva do grupo.

O concelleiro de Relacións Institucionais en funcións, Sindo Guinarte, reuniuse hoxe con Giovanni Francesco Ugolini, quen foi Capitán Rexente de San Marino nos semestres do 1 de abril ao 1 de outubro de 2002; e durante o semestre do 1 de outubro de 2010 ao 1 de abril de 2011. No encontro, Ugolini amosou o seu interese en establecer relacións de cooperación turística entre os departamentos de turismo de Compostela e de San Marino. Tamén asistiu Andrea Paesini, embaixador do Camiño de San Marino.

A concelleira de Economía, Facenda, Contratación, Persoal e Modernización da Administración Local en funcións, Marta Abal, destacou hoxe na clausura das xornadas "Descubre o Talento", a aposta do Concello de Santiago polos centros especiais de emprego e as empresas de inserción.

Preto de 500 nenos e nenas dos centros escolares de Compostela participaron esta mañá no Auditorio de Galicia na V Gala pola Seguridade Viaria, a gran festa coa que remata o programa de formación dirixido ao alumnado compostelán de 4º de primaria que o departamento de Educación Viaria da Policía Local desenvolveu ao longo do curso. Nesta edición, o programa de actividades foi seguido por arredor de 900 nenos e nenas de 24 colexios de Santiago.

Esta actuación, cofinanciado polo FEDER 2014-2020 (EDUSI - REVIVE COMPOSTELA), prevé o acondicionamento de 12.050 metros cuadrados, dos que 10.000 corresponden ao ámbito sur, ríos Sar e Vilar; e 2.050 metros cadrados, ao ámbito norte, río Sarela. O obxectivo fundamental desta operación é a recuperación deste espazo natural e a súa rehabilitación para o uso e desfrute da cidadanía.

Dez propostas achegarán de novo a música dos séculos XX e XXI a Compostela, nunha nova edición que terá lugar do 1 ao 27 de xuño en varios espazos da cidade, con entradas de balde. As XMC están organizadas polo Auditorio de Galicia, a USC (Vicerreitoría de estudantes e cultura) e o Centro Galego de Arte Contemporánea, e contan co apoio económico da Deputación da Coruña.

A xornada de Música nos Balcóns permitirá que novos talentos internacionais ofrezan a súa obra desde edificios emblemáticos do casco histórico. Esta edición contará cun programa especial en homenaxe ao compositor e pianista Sergei Rachmaninoff.

A praza do Obradoiro acolleu este mediodía un minuto de silencio pola muller asasinada o pasado 27 de maio en Vitoria-Gasteiz (Álava), vítima de violencia machista.

O festival da lectura levará o papel ao directo en Compostela coa conxunción entre diferentes xéneros. A SELIC Criminal reunirá o máis destacado do panorama ibérico a fin de semana do 17 e 18 de xuño.

O Concello de Santiago e a Unión de Consumidores de Galicia poñen en marcha unha nova actividade dirixida ao público infantil no marco do proxecto #EuCompost_ela. Trátase dun laboratorio co que se pretende achegar a economía circular a nenos e nenas entre 5 e 12 anos, acompañados por adultos, a través da experimentación e a creación in situ. En total realizaranse oito edicións en diferentes datas e zonas da cidade.