IGUALDADE
Minuto de silencio pola última vítima mortal de violencia machista
A praza do Obradoiro acolleu esta mañá un minuto de silencio pola muller asasinada onte en Soria, última vítima de violencia machista.
PROMOCIÓN ECONÓMICA
A Oficina de Promoción Económica asiste á Asemblea Xeral da Rede de Entidades de Desenvolvemento Local
Onte xoves tivo lugar no municipio de Roa (Burgos), a Asemblea Xeral de REDEL, a Rede de Entidades de Desenvolvemento Local, da que forma parte o Concello de Santiago a través da Oficina de Promoción Económica. O encontro contou coa participación de case a totalidade das 31 entidades asociadas a REDEL así como do Ayuntamiento de Fuenlabrada e a Diputació de Castelló, cuxa incorporación á rede foi aprobada durante a reunión.
SEGURIDADE
A IV Gala pola Seguridade Viaria pecha as actividades de Educación Viaria cos escolares de Compostela
Nenos e nenas dos centros escolares de Compostela participaron esta mañá no Auditorio de Galicia na IV Gala pola Seguridade Viaria, a gran festa coa que remata o programa de formación dirixido ao alumnado compostelán de 4º de primaria que o departamento de Educación Viaria da Policía Local desenvolveu ao longo do curso. Nesta edición, o programa de actividades foi seguido por arredor de 900 nenos e nenas de 24 colexios de Santiago.
ACCIÓN CULTURAL
Santiago acolle, desde hoxe e ata o 19 de xuño, a sexta edición da SELIC
O alcalde de Santiago, Xosé Sánchez Bugallo, visitou hoxe na Praza do Toural os distintos postos de libros instalados con motivo da SELIC, a Semana do Libro en Compostela, que se celebra desde hoxe ata o 19 de xuño. Nesta sexta edición participan máis 22 librarías e editoriais, ademais de 70 autores. Tamén conta, este ano, coa presencia de músicos como Santiago Auserón ou James Rhodes, a quen saúdou o rexedor.
