Noticias

Este sábado 19 de setembro, ás 20:30 horas, chega ao Auditorio de Galicia El largo viaje del día hacia la noche dentro do programa de Teatro 2015. Mario Gas e Vicky Peña defenderán o magnífico texto do Premio Nobel Eugene O’Neill, tamén gañador de catro Premios Pullitzer. Juan Díaz, María Miguel e Alberto Iglesias completan o reparto que dirixe Juan José Afonso. As entradas poden mercarse, a un prezo de 22 euros, en entradas.abanca.com, no 902 434 443,...

O alcalde de Santiago, Martiño Noriega, e o concelleiro de Educación e Cidadanía, Manuel Dios, participaron no acto de homenaxe que a Asociación de Antigos Alumnos e Amigos da USC lle rendeu a Francisco Giner de los Ríos, fundador da Institución Libre de Ensinanza, con motivo do centenario do seu pasamento. Neste 2015 cúmprense tamén 132 anos da súa estanza na cidade con motivo da Excursión Pedagóxica organizada pola devandita institución entre o 14 de xullo e 2 de outubro de 1883.

O concelleiro de Espazos Cidadáns, Jorge Duarte, achegouse esta tarde á praza Roxa compostelá para visitar a exposición de coches eléctricos programada dentro da Semana da Mobilidade. Alí, coñeceu de primeira man o funcionamento deste tipo de vehículos, tanto coches como motocicletas, o seu consumo e autonomía, ademais de comprobar os beneficios que ten o seu uso.

O CorreSan, que cumpre a súa cuarta edición, volve esta fin de semana ás rúas de Santiago cun circuíto dende a Granxa do Xesto ata o Monte do Pedroso no que participarán máis de 700 persoas nas tres modalidades. Trátase da terceira das catro probas previstas dentro do CorreSan 2015, tras a carreira nocturna pola cidade vella do mes de xullo e a celebrada o primeiro día de agosto no barrio de Angrois.

A Xunta de Goberno aprobou a incorporación da rúa Otero Pedrayo, en San Caetano, ás zonas con estacionamento reservado para residentes. En breve se abrirá o procedemento para que os veciños desta zona da cidade poidan solicitar as súas tarxetas de residente, que lles permitirán estacionar nalgunhas das 60 prazas que se habilitarán.

A Xunta de Goberno aprobou a ampliación da dotación orzamentaria prevista na convocatoria para a concesión de bolsas de comedor ao alumnado dos centros docentes públicos e concertados de educación primaria para o curso 2015-2016. A partida increméntase un 30%, pasando dos 130.000 euros inicialmente previstos aos 169.000.

A concelleira de Economía e Facenda, María Rozas, informou en rolda de prensa sobre a sinatura polo Concello de Santiago da Declaración de Zaragoza. Mediante este documento, subscrito tamén polos responsables das áreas económicas de Madrid, Barcelona, Alacante, Zaragoza, Badalona e A Coruña, solicítase ao Goberno central unha reforma do sistema tributario aplicado ás administracións locais e unha maior autonomía financeira.

O alcalde de Santiago, Martiño Noriega, recibiu á deputada do Parlamento de Uruguai Lilián Galán.

O alcalde de Santiago fixo balance hoxe dos primeiros cen días do seu goberno, dos que salientou a volta á normalidade no Concello. Martiño Noriega explicou que, nestes meses, o seu executivo logrou recuperar a confianza dos cidadáns na administración que lles é máis próxima, grazas á recuperación da interlocución cos barrios e parroquias, a través do seu tecido asociativo, para recoller as necesidades e demandas, moitas delas pendentes desde antes do ano 2011. O rexedor tamén falou da mellora das...

O Consorcio de Santiago está a promover o achegamento da Real Filharmonía de Galicia e a música clásica aos cidadáns. Dentro deste propósito, durante toda esta semana estanse a celebrar concertos gratuítos en barrios significativos da cidade compostelá, ao aire libre, aínda que están previstos espazos alternativos para os días que choiva. A batuta lévaa o mestre holandés afincado en Galicia Bram Sniekers, director artístico do Conservatorio Profesional de Música de Lalín e director...