ALCALDÍA E EDUCACIÓN
O Programa Vacacións en Paz está concibido no marco de solidariedade e axuda desinteresada e co fin de proporcionar mellores vacacións aos nenos e nenas saharauís. O proxecto atende a solicitude da Delegación Saharauí para Galicia, canalizada pola Asociación Solidariedade Galega co pobo Saharauí. Os rapaces e as rapazas que participan neste proxecto teñen entre 7 e 14 anos e proveñen dos campamentos de refuxiados saharauís que se atopan na zona de Tinduf, sudoeste de Alxeria.
Ofrécese a estes nenos e nenas nacidos no medio da guerra e sometidos ás súas duras consecuencias, unha posibilidade de coñecer formas distintas de vida, de maneira que isto contribúa, non só á súa formación, senón a mellorar a comunicación e o entendemento entre os pobos e promover valores de solidariedade coa cooperación das familias composteláns. Este tipo de visitas son moi importantes para que eles desenvolvan unha concepción do mundo máis ampla e sólida, para que adquiran uns marcos de referencia elementais e non mediatizados respecto a outros países, dentro do seu propio proceso de maduración persoal e sen prescindir da rica tradición do seu pobo. Ao mesmo tempo preténdese favorecer a relación de familias de Santiago con rapaces doutras culturas.
Os rapaces e rapazas están en Santiago durante os meses de xullo e agosto, aloxándose nos fogares de familias compostelás, que se fan cargo dos gastos de alimentación, de vestimenta e outros que se deriven da súa estadía. Ademais, realízanselles revisións médicas.
Seis nenos e nenas saharauís pasan este verán con familias acolledoras de Santiago
27/07/2016 O alcalde de Santiago, Martiño Noriega; o concelleiro de Educación e Cidadanía, Manuel Dios e outros integrantes da Corporación recibiron os nenos e nenas saharauís que pasarán este verán en Compostela no marco do programa Vacacións en Paz. No acto tamén participaron as familias acolledoras; o delegado saharauí para Galicia, Alali Emboiric Mohamed e a presidenta da Asociación Solidariedade Galega co Pobo Saharauí, Maite Isla.
Martiño Noriega deu a benvida aos rapaces e rapazas e aproveitou para reivindicar novamente "o dereito a decidir o seu futuro do Sáhara Occidenta", expresando o "apoio político simbólico" do Concello de Santiago, tal como se ten manifestado por unanimidade en varias declaracións institucionais aprobadas en Pleno.O Programa Vacacións en Paz está concibido no marco de solidariedade e axuda desinteresada e co fin de proporcionar mellores vacacións aos nenos e nenas saharauís. O proxecto atende a solicitude da Delegación Saharauí para Galicia, canalizada pola Asociación Solidariedade Galega co pobo Saharauí. Os rapaces e as rapazas que participan neste proxecto teñen entre 7 e 14 anos e proveñen dos campamentos de refuxiados saharauís que se atopan na zona de Tinduf, sudoeste de Alxeria.
Ofrécese a estes nenos e nenas nacidos no medio da guerra e sometidos ás súas duras consecuencias, unha posibilidade de coñecer formas distintas de vida, de maneira que isto contribúa, non só á súa formación, senón a mellorar a comunicación e o entendemento entre os pobos e promover valores de solidariedade coa cooperación das familias composteláns. Este tipo de visitas son moi importantes para que eles desenvolvan unha concepción do mundo máis ampla e sólida, para que adquiran uns marcos de referencia elementais e non mediatizados respecto a outros países, dentro do seu propio proceso de maduración persoal e sen prescindir da rica tradición do seu pobo. Ao mesmo tempo preténdese favorecer a relación de familias de Santiago con rapaces doutras culturas.
Os rapaces e rapazas están en Santiago durante os meses de xullo e agosto, aloxándose nos fogares de familias compostelás, que se fan cargo dos gastos de alimentación, de vestimenta e outros que se deriven da súa estadía. Ademais, realízanselles revisións médicas.