TURISMO
O mostrador de Turismo de Santiago estará atendido durante os cinco días do evento. Os tres primeiros, o acceso é exclusivo para profesionais: axentes de viaxe, turoperadores, prensa e prescritores, cos que se manterá un intenso calendario de 20 citas e reunións prefixadas. A lista de contactos inclúe as grandes axencias que xa operan no destino e novos operadores potenciais, ademais das 10 visitas porta a porta ás grandes axencias de Berlín. Tamén se producirán encontros coas oficinas españolas de turismo en Alemaña e o Instituto Cervantes.
Apoio ás empresas turísticas compostelás
Os últimos dous, a feira está aberta ao público final, o que intensifica a actividade do mostrador compostelán polo habitual interese dos viaxeiros de obter información e material sobre Santiago de Compostela e o Camiño de Santiago. O stand ofrece folletos sobre produtos turísticos (visitas guiadas, visitas MP3, excursións dende Santiago), folletos de establecementos (hoteis e restaurantes), guía completa de provedores de Santiago de Compostela e a exhibición permanente do vídeo Santiago ist Grossartig (Santiago é Grande).
Ademais, o mostrador compostelán cumprirá un ano máis o seu papel de apoio ás empresas santiaguesas asistentes á feira, que poden usar o seu espazo de reunións, e a aquelas que sen estar presentes envían dende Santiago os seus materiais.
Na pasada edición da ITB déronse cita 11.163 expositores de 188 países e territorios nunha superficie total de 160.000 metros cadrados, e foron contabilizados 110.791 visitantes profesionais, dos cales o 41,6% procedía do estranxeiro.
Santiago de Compostela viaxa á feira turística máis grande do mundo
05/03/2012 Turismo de Santiago asistirá á Internationale Tourismus Börse como co-expositor dentro da zona expositiva de Turespaña, situada no pavillón 4.2 do recinto feiral.
A presenza da empresa municipal de turismo na capital alemá responde non só a relevancia do evento para os contactos profesionais, senón tamén ao feito de que Alemaña segue a ser un dos mercados emisores máis importantes para España e o primeiro para Santiago de Compostela. A oficina de turismo compostelá recibiu o ano pasado 17.617 consultas de visitantes alemáns, que representan o 19% do total de consultas de estranxeiros.O mostrador de Turismo de Santiago estará atendido durante os cinco días do evento. Os tres primeiros, o acceso é exclusivo para profesionais: axentes de viaxe, turoperadores, prensa e prescritores, cos que se manterá un intenso calendario de 20 citas e reunións prefixadas. A lista de contactos inclúe as grandes axencias que xa operan no destino e novos operadores potenciais, ademais das 10 visitas porta a porta ás grandes axencias de Berlín. Tamén se producirán encontros coas oficinas españolas de turismo en Alemaña e o Instituto Cervantes.
Apoio ás empresas turísticas compostelás
Os últimos dous, a feira está aberta ao público final, o que intensifica a actividade do mostrador compostelán polo habitual interese dos viaxeiros de obter información e material sobre Santiago de Compostela e o Camiño de Santiago. O stand ofrece folletos sobre produtos turísticos (visitas guiadas, visitas MP3, excursións dende Santiago), folletos de establecementos (hoteis e restaurantes), guía completa de provedores de Santiago de Compostela e a exhibición permanente do vídeo Santiago ist Grossartig (Santiago é Grande).
Ademais, o mostrador compostelán cumprirá un ano máis o seu papel de apoio ás empresas santiaguesas asistentes á feira, que poden usar o seu espazo de reunións, e a aquelas que sen estar presentes envían dende Santiago os seus materiais.
Na pasada edición da ITB déronse cita 11.163 expositores de 188 países e territorios nunha superficie total de 160.000 metros cadrados, e foron contabilizados 110.791 visitantes profesionais, dos cales o 41,6% procedía do estranxeiro.