TURISMO
En total, nos dous primeiros meses do ano, o Aeroporto de Santiago – Rosalía de Castro superou xa os 400.000 pasaxeiros. En concreto, chegou aos 409.104, cun crecemento acumulado do 53,1% con respecto ao mesmo periodo do 2022, e do 18,9% con respecto ao 2019. Trátase así do mellor comezo de ano do aeroporto de Santiago en número de pasaxeiros.
O concelleiro de Turismo, Sindo Guinarte, destacou que os datos do Aeroporto de Santiago nos dous primeiros meses do ano apuntan á "crecente desestacionalización da demanda turística de Santiago, posible en boa medida grazas ao incremento sustancial de rutas que está vivindo o aeroporto nas dúas últimas temporadas de inverno".
Sindo Guinarte considerou que, "de non mediar ningún acontecemento imprevisto, o Aeroporto de Santiago continuará crecendo nos vindeiros meses, seguindo por riba dos datos históricos que se conseguiron no 2022, consolidándose por riba dos tres millóns de pasaxeiros anuais".
O concelleiro de Turismo considerou tamén que estes datos anticipan que o 2023 será tamén un ano moi positivo dende o punto de vista da demanda turística na cidade, que seguirá cun datos elevados de turistas ao longo do ano pese a que o próximo Ano Santo non terá lugar ata o 2027, amosando que o posicionamento de Santiago como destino Patrimonio da Humanidade mellora ano tras ano.
O aeroporto de Santiago-Rosalía de Castro vive o seu mellor febreiro con preto de 200.000 pasaxeiros
13/03/2023 O tráfico consolídase nos primeiros meses do ano, con máis de 400.000 pasaxeiros entre xaneiro e febreiro.
O Aeroporto de Santiago – Rosalía de Castro sumou en febreiro 194.488 pasaxeiros, cun crecemento do 42,5% respecto de febreiro do ano pasado e do 17,8% respecto de febreiro do 2019. Trátase do mes de febreiro co maior número de pasaxeiros no aeroporto de Santiago, seguindo co ritmo de crecemento que tamén se produciu en xaneiro, logo de que o ano 2022 marcase un récord histórico, superando por primeira vez os tres millóns de pasaxeiros.En total, nos dous primeiros meses do ano, o Aeroporto de Santiago – Rosalía de Castro superou xa os 400.000 pasaxeiros. En concreto, chegou aos 409.104, cun crecemento acumulado do 53,1% con respecto ao mesmo periodo do 2022, e do 18,9% con respecto ao 2019. Trátase así do mellor comezo de ano do aeroporto de Santiago en número de pasaxeiros.
O concelleiro de Turismo, Sindo Guinarte, destacou que os datos do Aeroporto de Santiago nos dous primeiros meses do ano apuntan á "crecente desestacionalización da demanda turística de Santiago, posible en boa medida grazas ao incremento sustancial de rutas que está vivindo o aeroporto nas dúas últimas temporadas de inverno".
Sindo Guinarte considerou que, "de non mediar ningún acontecemento imprevisto, o Aeroporto de Santiago continuará crecendo nos vindeiros meses, seguindo por riba dos datos históricos que se conseguiron no 2022, consolidándose por riba dos tres millóns de pasaxeiros anuais".
O concelleiro de Turismo considerou tamén que estes datos anticipan que o 2023 será tamén un ano moi positivo dende o punto de vista da demanda turística na cidade, que seguirá cun datos elevados de turistas ao longo do ano pese a que o próximo Ano Santo non terá lugar ata o 2027, amosando que o posicionamento de Santiago como destino Patrimonio da Humanidade mellora ano tras ano.