CONSORCIO
Baldur Brönnimann tomará o relevo do mestre Paul Daniel a partir de xaneiro de 2023. O novo director será presentado aos medios o vindeiro martes nun acto no Museo do Pobo Galego.
Un novo proxecto
Os obxectivos da orquestra a partir de xaneiro xirarán arredor de varios eixos fundamentais: a implicación social, a excelencia artística e a renovación do repertorio, así como o compromiso formativo.
Con Brönnimann chega á Real Filharmonía de Galicia unha dirección artística cun enfoque social comprometido e cunha sensibilidade determinante en temas como a formación ou a creación contemporánea.
Biografía
Nado en Suíza e residente en Madrid dende hai máis de 13 anos, Brönnimann formouse na Academia de Música da Cidade de Basilea e no Royal Northern College of Music de Manchester, onde posteriormente foi nomeado titor visitante de dirección.
Na actualidade, lidera a Sinfonietta de Basilea, orquestra na que rematará a súa etapa no mes de xuño, e onde dirixe programas que combinan obras contemporáneas co repertorio estándar, nunha procura constante para desafiar as convencións clásicas e explorar novas vías para a interpretación orquestral.
En 2020 concluíu o seu exitoso mandato de seis anos como director principal da Orquestra Sinfónica do Porto Casa da Música, á que segue regresando cada temporada. Entre 2011-2015 foi director artístico do principal conxunto de música contemporánea de Noruega, BIT20, e entre 2008-2012 foi director musical da Orquestra Sinfónica Nacional de Colombia en Bogotá.
Baldur é unha persoa profundamente comprometida coa relevancia da música clásica no século XXI, e por iso é moi activo como comisario de novas obras, de diferentes festivais e ciclos así como coa divulgación e formación de novos músicos e público.
Nas últimas temporadas, Baldur é un director moi demandado e dirixiu, entre outras orquestras, a Filharmónica de Seúl, a Filharmónica de Oslo, a Sinfónica da WDR, a Sinfónica de Barcelona, a Filharmónica de Bergen, a Sinfónica da Radio de Viena ou as orquestras de Cámara de Aurora e Múnic.
Futuro ilusionante
O Consorcio de Santiago e a Real Filharmonía de Galicia expresan a súa ilusión con este nomeamento, co que a institución afrontará novos retos da man dun director cun profundo entendemento da música clásica e o seu papel na sociedade.
Baldur Brönnimann liderará unha nova etapa da Real Filharmonía de Galicia
23/11/2022 Como director titular e artístico traballará para profundar na relación da orquestra coa sociedade, a modernización do repertorio e a implicación coa nova creación, sempre desde a excelencia artística.
A Real Filharmonía de Galicia e Baldur Brönnimann xuntan os seus camiños para desenvolver a nova etapa na que o músico suízo será o encargado da súa dirección artística, asumindo ademais a dirección da Escola de Altos Estudos Musicais.Baldur Brönnimann tomará o relevo do mestre Paul Daniel a partir de xaneiro de 2023. O novo director será presentado aos medios o vindeiro martes nun acto no Museo do Pobo Galego.
Un novo proxecto
Os obxectivos da orquestra a partir de xaneiro xirarán arredor de varios eixos fundamentais: a implicación social, a excelencia artística e a renovación do repertorio, así como o compromiso formativo.
Con Brönnimann chega á Real Filharmonía de Galicia unha dirección artística cun enfoque social comprometido e cunha sensibilidade determinante en temas como a formación ou a creación contemporánea.
Biografía
Nado en Suíza e residente en Madrid dende hai máis de 13 anos, Brönnimann formouse na Academia de Música da Cidade de Basilea e no Royal Northern College of Music de Manchester, onde posteriormente foi nomeado titor visitante de dirección.
Na actualidade, lidera a Sinfonietta de Basilea, orquestra na que rematará a súa etapa no mes de xuño, e onde dirixe programas que combinan obras contemporáneas co repertorio estándar, nunha procura constante para desafiar as convencións clásicas e explorar novas vías para a interpretación orquestral.
En 2020 concluíu o seu exitoso mandato de seis anos como director principal da Orquestra Sinfónica do Porto Casa da Música, á que segue regresando cada temporada. Entre 2011-2015 foi director artístico do principal conxunto de música contemporánea de Noruega, BIT20, e entre 2008-2012 foi director musical da Orquestra Sinfónica Nacional de Colombia en Bogotá.
Baldur é unha persoa profundamente comprometida coa relevancia da música clásica no século XXI, e por iso é moi activo como comisario de novas obras, de diferentes festivais e ciclos así como coa divulgación e formación de novos músicos e público.
Nas últimas temporadas, Baldur é un director moi demandado e dirixiu, entre outras orquestras, a Filharmónica de Seúl, a Filharmónica de Oslo, a Sinfónica da WDR, a Sinfónica de Barcelona, a Filharmónica de Bergen, a Sinfónica da Radio de Viena ou as orquestras de Cámara de Aurora e Múnic.
Futuro ilusionante
O Consorcio de Santiago e a Real Filharmonía de Galicia expresan a súa ilusión con este nomeamento, co que a institución afrontará novos retos da man dun director cun profundo entendemento da música clásica e o seu papel na sociedade.