MOBILIDADE E SEGURIDADE CIDADÁ

Protección Civil repartiu mil máscaras na praza de Abastos este sábado

02/05/2020 O rexedor compostelán, Xosé Sánchez Bugallo, e o concelleiro de Mobilidade e Seguridade Cidadá, Gonzalo Muíños, visitaron esta mañá a praza de Abastos. Nesta xornada de sábado, os voluntarios e voluntarias de Protección Civil repartiron 1.000 máscaras a clientes e vendedores.

A praza de Abastos está a implementar unha serie de medidas para facer fronte aos contaxios por COVID-19. Neste sentido, o aforo está limitado nas naves 2, 3, 6 e 7 a 32 persoas, e nas naves 1, 4, 5 e 8 a 43. No caso das naves 3 e 4 péchase a entrada ás mesmas dende o corredor principal e faise a entrada e saída controlada por persoal, dende o corredor máis próximo á igrexa de San Fiz.

Compartir: