TURISMO

O aeroporto de Santiago pasa a denominarse oficialmente "Aeroporto de Santiago-Rosalía de Castro"

02/04/2020 O BOE deste 2 de abril publica o cambio oficial do nome do aeroporto de Santiago, que a partir deste momento pasa a denominarse oficialmente "Aeroporto de Santiago-Rosalía de Castro". O Aeroporto de Santiago, declarado de interese xeral do Estado, é un aeroporto civil aberto ao tráfico internacional.

O Concello de Santiago de Compostela, para poñer de manifesto a relevancia da escritora máis representativa da lingua galega, con motivo do 180º aniversario do seu nacemento, acordou solicitar ao Ministerio de Transportes, Mobilidade e Axenda Urbana e a AENA o cambio da denominación do Aeroporto de Santiago polo de Aeroporto de Santiago-Rosalía de Castro.

Engadíndolle o nome de Rosalía de Castro ao Aeroporto de Santiago, reivindícase a súa memoria, a súa contribución á literatura europea e a súa loita pola recuperación e a forxa da identidade de Galicia.

Os gastos derivados do cambio de denominación serán sufragados polo Consorcio da Cidade de Santiago de Compostela.

Compartir: