MOBILIDADE E SEGURIDADE CIDADÁ
A estes controis hai que sumar os realizados pola Policía Local e a Agrupación de Tráfico da Garda Civil de Santiago de Compostela nun dispositivo conxunto na noite do 14 de decembro, continuando así coas inspeccións preventivas realizadas na semana anterior entre estes dous corpos. Neste caso realizáronse 245 probas, 8 delas con resultado positivo, e 9 probas de drogas, cun positivo.
Conducta multiplicadora dos riscos
A presenza de alcohol durante a condución, dependendo da taxa, multiplica entre 2 e 15 o risco de sufrir un accidente. Esta substancia non só está relacionada cos accidentes, senón que tamén repercute nunha maior mortalidade, ao ser un factor vinculado cun peor prognóstico nas lesións sufridas.
Segundo datos achegados pola DXT, o 23% dos condutores falecidos en 2018 tivo resultado positivo na proba de alcoholemia, o 12% no caso dos condutores feridos hospitalizados, o 8% nos condutores feridos non hospitalizados e o 7% nos condutores ilesos.
En calquera caso, aínda con taxas de alcoholemia dentro das marxes legais permitidas, o noso nivel de risco de accidente de tráfico pode verse incrementado. A única taxa segura é 0,0%.
Por outra parte, conducir despois do consumo de substancias psicoactivas é un feito preocupantemente frecuente, sendo o cannabis (THC) e a cocaína as máis frecuentes. Os opiáceos e as anfetaminas teñen unha presenza menor. O consumo simultáneo de substancias, que se demostrou coma un comportamento de extremo risco viario, é comparativamente frecuente en España.
A Policía Local realizou 834 probas de alcohol e drogas a pasada semana, cun resultado de 16 positivos
16/12/2019 Durante a pasada semana, do 9 ao 15 de decembro, a Policía Local adheriuse á campaña de vixilancia e control da taxa de alcohol e outras drogas promovida pola Dirección Xeral de Tráfico (DXT). Os/as axentes realizaron 834 probas, cun resultado final de 16 positivos.
En total, a Policía Local efectuou 807 controis de alcoholemia, cun balance final de 13 positivos (o 1,61%). Ningún condutor se negou a efectuar as probas. No caso da presenza de drogas, os/as axentes realizaron 27 probas, das que tres deron positivo (o 11,11%).A estes controis hai que sumar os realizados pola Policía Local e a Agrupación de Tráfico da Garda Civil de Santiago de Compostela nun dispositivo conxunto na noite do 14 de decembro, continuando así coas inspeccións preventivas realizadas na semana anterior entre estes dous corpos. Neste caso realizáronse 245 probas, 8 delas con resultado positivo, e 9 probas de drogas, cun positivo.
Conducta multiplicadora dos riscos
A presenza de alcohol durante a condución, dependendo da taxa, multiplica entre 2 e 15 o risco de sufrir un accidente. Esta substancia non só está relacionada cos accidentes, senón que tamén repercute nunha maior mortalidade, ao ser un factor vinculado cun peor prognóstico nas lesións sufridas.
Segundo datos achegados pola DXT, o 23% dos condutores falecidos en 2018 tivo resultado positivo na proba de alcoholemia, o 12% no caso dos condutores feridos hospitalizados, o 8% nos condutores feridos non hospitalizados e o 7% nos condutores ilesos.
En calquera caso, aínda con taxas de alcoholemia dentro das marxes legais permitidas, o noso nivel de risco de accidente de tráfico pode verse incrementado. A única taxa segura é 0,0%.
Por outra parte, conducir despois do consumo de substancias psicoactivas é un feito preocupantemente frecuente, sendo o cannabis (THC) e a cocaína as máis frecuentes. Os opiáceos e as anfetaminas teñen unha presenza menor. O consumo simultáneo de substancias, que se demostrou coma un comportamento de extremo risco viario, é comparativamente frecuente en España.