MOBILIDADE E SEGURIDADE CIDADÁ
Alejandro Sanz pechará a súa xira española cun gran concerto en Santiago, que se suma ás citas de Madrid, Sevilla, Barcelona e Elxe, onde presentará os temas do seu novo disco, publicado o 5 de abril.
As concellerías de Seguridade Cidadá e de Medio Ambiente preparan o dispositivo para o concerto de Alejandro Sanz
25/06/2019 O concelleiro de Seguridade Cidadá e Mobilidade, Gonzalo Muíños, e a concelleira de Medio Ambiente, Mila Castro, presidiron a xuntanza de preparación do dispositivo que se porá en marcha desde o Concello por mor do concerto de Alejandro Sanz o vindeiro 6 de xullo no Monte do Gozo.
Á reunión asistiron membros da Policía Local, Policía Nacional, Garda Civil de Tráfico, Protección Civil, do Departamento de Mobilidade, do 112, da entidade organizadora e das empresas encargadas da limpeza e outros servizos implicados, co obxectivo de coordinar todas as actuacións necesarias para que o concerto se desenvolva sen incidencias. O vindeiro mércores, 3 de xullo, está prevista outra xuntanza, neste caso xa no lugar onde se celebrará o evento, no Monte do Gozo.Alejandro Sanz pechará a súa xira española cun gran concerto en Santiago, que se suma ás citas de Madrid, Sevilla, Barcelona e Elxe, onde presentará os temas do seu novo disco, publicado o 5 de abril.