CONVIVENCIA
Os cambios acompañáronse dun reforzo da sinalización dos límites de velocidade, para garantir que as manobras de incorporación se realicen nas mellores condicións de seguridade.
Reorganización do tráfico na avenida de Lugo para facilitar o tránsito cara o paso inferior do Hórreo
01/04/2019 A Concellaría de Medio Ambiente e Convivencia vén de modificar a sinalización horizontal na avenida de Lugo, co obxectivo de permitir que os vehículos procedentes da rúa de Bernardo Barreiro se incorporen ao túnel do Hórreo. O repintando levouse a cabo de cordo co Ministerio de Fomento, titular do viario.
Este repintado dun tramo da avenida de Lugo serviu para sinalizar con liña discontinua o carril que vai dende a rúa de Bernardo Barreiro ata o túnel do Hórreo. Deste xeito, preténdese facilitar que os vehículos utilicen este túnel, e descargar de tráfico a rotonda da Galuresa. Ao mesmo tempo sinalizouse tamén con liña discontinua a saída do túnel cara a rotonda de Sar, para permitir a incorporación á glorieta que ata o de agora estaba prohibida.Os cambios acompañáronse dun reforzo da sinalización dos límites de velocidade, para garantir que as manobras de incorporación se realicen nas mellores condicións de seguridade.