ALCALDÍA

A Universidade da Coruña súmase ao desenvolvemento do proxecto Smartiago

30/08/2018 O alcalde, Martiño Noriega, e o reitor da Universidade da Coruña, Julio Abalde, asinaron hoxe o convenio de colaboración para o desenvolvemento do proxecto de fomento da compra pública innovadora, Smartiago. Os dous salientaron a oportunidade que supón este programa para que o coñecemento xerado no Sistema Universitario Galego sexa aproveitado polas institucións públicas e polo conxunto da sociedade.

O convenio asinado hoxe coa Universidade da Coruña é similar e complementario ao que foi subscrito no seu día coa Universidade de Santiago. O proxecto Smartiago, financiado na súa primeira fase con máis de cinco millóns de euros de fondos europeos, procura solucións innovadoras na prestación de servizos públicos como a recollida e tratamento de residuos, a mobilidade e a iluminación pública.

O alcalde incidiu en que "para as institucións públicas é fundamental o coñecemento que poden achegar as universidades galegas, e o Concello de Santiago precisa do conxunto do Sistema Universitario Galego para desenvolver o programa Smartiago". Martiño Noriega explicou que o convenio asinado hoxe coa Universidade da Coruña é "complementario do firmado coa Universidade de Santiago, e permitirá chegar a algúns ámbitos nos que a USC sinalou que non podería atender".

Pola súa parte, o reitor da UdC recoñeceu a súa satisfacción por colaborar no desenvolvemento do programa de compra pública innovadora, porque "o Smartiago é un proxecto que vai ser referencia, non só en Galicia senón tamén a nivel internacional". Julio Abalde defendeu a necesidade de que o Sistema Universitario de Galicia "traballe de forma colaborativa ao servizo do país, e de que cada universidade colabore con todas as institucións posibles, máis alá do seu ámbito xeográfico máis próximo".

Proxecto Smartiago
Santiago foi a primeira cidade do Estado en asinar un convenio co Ministerio de Economía para a captación de fondos europeos FEDER para o fomento da compra pública innovadora. Na primeira fase do proxecto, cun prazo estimado de catro anos, procurarase o desenvolvemento de solucións innovadoras para as tres liñas estratéxicas definidas no programa: xestión sostible e intelixente dos residuos sólidos urbanos, mobilidade intelixente sostible e alumeado ornamental intelixente para a conservación do patrimonio. O Goberno local xa ten presentadas estas liñas na Universidade de Santiago, co obxectivo de que os seus grupos de investigación traballen nas posibles solucións innovadoras.

Despois da primeira fase, e se se conseguen solucións satisfactorias, o Concello implantaríaas nos servizos municipais, converténdose en primeiro cliente dos grupos de investigación e, ao tempo, en socio parceiro que cobraría royalties se outras administracións contratan as mesmas tecnoloxías.

CASTELLANO

La Universidad de A Coruña se suma al desarrollo del proyecto Smartiago
El alcalde, Martiño Noriega, y el rector de la Universidad de A Coruña, Julio Abalde, firmaron hoy el convenio de colaboración para el desarrollo del proyecto de fomento de la compra pública innovadora, Smartiago. Los dos destacaron la oportunidad que supone este programa para que el conocimiento generado en el Sistema Universitario Gallego sea aprovechado por las instituciones públicas y por el conjunto de la sociedad.

El convenio firmado hoy con la Universidad de A Coruña es similar y complementario al que fue suscrito en su día con la Universidad de Santiago. El proyecto Smartiago, financiado en su primera fase con más de cinco millones de euros de fondos europeos, procura soluciones innovadoras en la prestación de servicios públicos como la recogida y tratamiento de residuos, la movilidad y la iluminación pública.

El alcalde incidió en que "para las instituciones públicas es fundamental el conocimiento que pueden acercar las universidades gallegas, y el Ayuntamiento de Santiago precisa del conjunto del Sistema Universitario Gallego para desarrollar el programa Smartiago". Martiño Noriega explicó que el convenio firmado hoy con la Universidad de A Coruña es "complementario del firmado con la Universidad de Santiago, y permitirá llegar a algunos ámbitos en los que la USC señaló que no podría atender".

Por su parte, el rector de la UDC reconoció su satisfacción por colaborar en el desarrollo del programa de compra pública innovadora, porque "Smartiago es un proyecto que va a ser referencia, no solo en Galicia, sino también a nivel internacional". Julio Abalde defendió la necesidad de que el Sistema Universitario de Galicia "trabaje de forma colaborativa al servicio del país, y de que cada universidad colabore con todas las instituciones posibles, más allá de su ámbito geográfico más próximo".

Proyecto Smartiago
Santiago fue la primera ciudad del Estado en firmar un convenio con el Ministerio de Economía para la captación de fondos europeos FEDER para el fomento de la compra pública innovadora. En la primera fase del proyecto, con un plazo estimado de cuatro años, se buscará el desarrollo de soluciones innovadoras para las tres líneas estratégicas definidas en el programa: gestión sostenible e inteligente de los residuos sólidos urbanos, movilidad inteligente sostenible y alumbrado ornamental inteligente para la conservación del patrimonio. El Gobierno local ya tiene presentadas estas líneas en la Universidad de Santiago, con el objetivo de que sus grupos de investigación trabajen en las posibles soluciones innovadoras.

Después de la primera fase, y si se consiguen soluciones satisfactorias, el Ayuntamiento las implantaría en los servicios municipales, convirtiéndose en primer cliente de los grupos de investigación y, al tiempo, en socio aparcero que cobraría royalties si otras administraciones contratan las mismas tecnologías.

Compartir: