CENTROS CÍVICOS

Sorteo para a adxudicación de prazas nas actividades matinais nos centros cívicos durante o mes de xullo

13/06/2018 Rematado o prazo para a preinscrición nas actividades matinais nos centros cívicos urbanos e rurais do mes de xullo, mañá xoves 14 de xuño, ás 12:30 horas, celebrarase no Centro Cívico do Ensanche o sorteo público das prazas naqueles grupos nos que se teñen recollido máis demanda que prazas existentes.

Os centros para os que se sortearán as prazas son o de Conxo, con 64 solicitudes para 30 prazas; o do Ensanche, con 44 solicitudes para 20 prazas; o de Santa Marta, con 79 solicitudes para 30 prazas; e o da Gracia, con 51 solicitudes para 30 prazas.

Cómpre lembrar que os campamentos de verán tamén se celebran nos centros cívicos urbanos de Vite e As Fontiñas e nos rurais Figueiras, Marrozos e Nemenzo. Nestes centros foron admitidas todas as solicitudes que cumprían os requisitos e as listaxes poden consultarse nos propios centros ou na web santiagosociocultural.org. As listaxes resultantes dos sorteos tamén poderán consultarse a través destes medios a partir do martes 19 de xuño.

Compartir: