TURISMO
Tamén se colabora na promoción doutros eventos que serven para poñer en valor produtos tradicionais da cidade, como a recente Festa Gastronómica das Uñas de San Lázaro, nunha acción na que tamén participaron restaurantes de toda a cidade.
Nesta ocasión, con motivo da nova Festa do Banquete de Conxo, decidiuse levar a cabo unha acción para poñer en valor a cabra. Nesta primeira edición, os restaurantes que prepararán pratos de cabra durante a fin de semana do Banquete, xa sexa de asada ao modo tradicional ou coa receita que prefiran, son: Paz Nogueira, Mesón Peón II, Fuentes, Los Caracoles, O Bo Xantar, O Muiñeiro, A Casa da Viña, A Nave de Vidán, Gran Hotel Los Abetos, Don Quijote, La Catalina, Pazo de Altamira, Sexto II, María Castaña, Mesón de Lázaro, A Costa da Fonte, Pampín, Caney, Amoado, A Ostrería e Frebas. Cada comensal recibirá de agasallo un exemplar do libro Balada ceibe no bosque de Conxo, composto por un texto de Henrique Alvarellos.
Ademais a Asociación Hostalería Compostela organiza un xantar popular, que comezará ás 14:30 horas do domingo 22 na carballeira de Conxo, onde se celebrou o Banquete de Conxo o 2 de marzo de 1856. Neste xantar repartiranse degustacións de diferentes elaboracións de cabra como produto tradicional non só de Conxo, senón tamén de diferentes barrios de Santiago.
Máis de 20 restaurantes de Santiago prepararán pratos de cabra para celebrar o Banquete de Conxo
18/04/2018 A concelleira de Turismo, Marta Lois, e a presidenta da Asociación Hostalería Compostela, Sara Santos, presentaron a lista de máis de 20 restaurantes que prepararán pratos especiais con cabra nesta fin de semana, na que se celebra o Banquete de Conxo cunha nova Festa. Estes restaurantes atópanse por todo Santiago.
Turismo de Santiago e a Asociación Hostalería Compostela están traballando conxuntamente nos últimos anos para consolidar o posicionamento de Santiago como destino gastronómico aproveitando os múltiples recursos da cidade. O exemplo máis importante desta colaboración é Santiago(é)tapas, que ambas entidades organizan conxuntamente dende hai tres edicións.Tamén se colabora na promoción doutros eventos que serven para poñer en valor produtos tradicionais da cidade, como a recente Festa Gastronómica das Uñas de San Lázaro, nunha acción na que tamén participaron restaurantes de toda a cidade.
Nesta ocasión, con motivo da nova Festa do Banquete de Conxo, decidiuse levar a cabo unha acción para poñer en valor a cabra. Nesta primeira edición, os restaurantes que prepararán pratos de cabra durante a fin de semana do Banquete, xa sexa de asada ao modo tradicional ou coa receita que prefiran, son: Paz Nogueira, Mesón Peón II, Fuentes, Los Caracoles, O Bo Xantar, O Muiñeiro, A Casa da Viña, A Nave de Vidán, Gran Hotel Los Abetos, Don Quijote, La Catalina, Pazo de Altamira, Sexto II, María Castaña, Mesón de Lázaro, A Costa da Fonte, Pampín, Caney, Amoado, A Ostrería e Frebas. Cada comensal recibirá de agasallo un exemplar do libro Balada ceibe no bosque de Conxo, composto por un texto de Henrique Alvarellos.
Ademais a Asociación Hostalería Compostela organiza un xantar popular, que comezará ás 14:30 horas do domingo 22 na carballeira de Conxo, onde se celebrou o Banquete de Conxo o 2 de marzo de 1856. Neste xantar repartiranse degustacións de diferentes elaboracións de cabra como produto tradicional non só de Conxo, senón tamén de diferentes barrios de Santiago.