POLÍTICAS SOCIAIS
O segundo proxecto aposta por realizar unha campaña de visibilización da economía social de Compostela, mostrando este modelo á cidadanía. Para iso é necesario por en valor, con datos prácticos e reais, este modelo económico. Ademais, precisaríase crear unha rede metropolitana de apoio á economía social.
Outra das propostas é a de crear unha área especializada no Concello de apoio e coordinación ás empresas da economía social, e de programas de fomento da economía social. Trataríase de atender, asesorar e acompañar iniciativas de economía social. Esta iniciativa plasmaríase na convocatoria dun programa específico para a economía social.
O último proxecto presentado este martes pretende fomentar o consumo de produtos e servizos de xeito interno, creando unha rede que permita socializar contactos e proxectos e ampliar a base sectorial. Tamén se melloraría o Catálogo da Economía Social do Concello, facéndoo visual, accesible e práctico.
Os "Almorzos do bo facer" rematan coa recollida das propostas achegadas polas cooperativas participantes
05/12/2017 As cooperativas e entidades que participaron nos Almorzos do bo facer entregaron as catro propostas saídas dos mesmos para que sexan estudadas polo Concello para así poder recibir o seu apoio. A concelleira de Políticas Sociais, Concha Fernández, e a técnica municipal de Promoción Económica, Carme Casado, recibiron as iniciativas no último dos encontros, denominado "Almorzo Proxecta" e celebrado na Sala Numax.
Unha das propostas é a elaboración participativa dun plano de contratación e consumo responsable a nivel municipal para mudar as políticas de contratación e compra pública. Os obxectivos son: fomentar unha empregabilidade digna e facilitar e promover o acceso de empresas da economía social municipal ás contratacións e licitacións públicas. Tamén se pretende facer partícipe do proceso ao persoal técnico do Concello, para enmarcar adecuadamente as demandas reais aos requisitos legais.O segundo proxecto aposta por realizar unha campaña de visibilización da economía social de Compostela, mostrando este modelo á cidadanía. Para iso é necesario por en valor, con datos prácticos e reais, este modelo económico. Ademais, precisaríase crear unha rede metropolitana de apoio á economía social.
Outra das propostas é a de crear unha área especializada no Concello de apoio e coordinación ás empresas da economía social, e de programas de fomento da economía social. Trataríase de atender, asesorar e acompañar iniciativas de economía social. Esta iniciativa plasmaríase na convocatoria dun programa específico para a economía social.
O último proxecto presentado este martes pretende fomentar o consumo de produtos e servizos de xeito interno, creando unha rede que permita socializar contactos e proxectos e ampliar a base sectorial. Tamén se melloraría o Catálogo da Economía Social do Concello, facéndoo visual, accesible e práctico.