EDUCACIÓN
O concelleiro de Educación e Cidadanía é ademais o presidente deste Grupo de Traballo de Educación das cidades e vilas que forman parte do Eixo Atlántico. Aproveitou a presenza de representantes de todas esas localidades para trasladarlle a súa idea de xerar un programa de intercambio entre escolares dos distintos municipios semellante ao que se celebra todos os anos entre as Cidades Patrimonio da Humanidade de España.
Manuel Dios participa en Bragança nun seminario de intercambio de experiencias na educación
23/03/2017 O concelleiro de Educación e Cidadanía, Manuel Dios, participa durante o día de hoxe nunha xornada organizada polo Grupo de Traballo de Educación do Eixo Atlántico, nun seminario de intercambio de experiencias no eido educativo.
O seminario ten lugar no Teatro Principal de Bragança. Deu comezo ás 9.30 coa benvida por parte do alcalde da localidade, Hernâni Dias, e continuou cunha serie de mesas temáticas sobre as escolas en Portugal e Galicia, a forma de construír unha cidadanía activa ou as actividades alén do currículo educativo. Esta última moderouna Manuel Dios e participaron a técnica superior da división de educación do municipio de Maia, a coordinadora do proxecto "Cadeira Parade" e o director da academia de artes de Chaves.O concelleiro de Educación e Cidadanía é ademais o presidente deste Grupo de Traballo de Educación das cidades e vilas que forman parte do Eixo Atlántico. Aproveitou a presenza de representantes de todas esas localidades para trasladarlle a súa idea de xerar un programa de intercambio entre escolares dos distintos municipios semellante ao que se celebra todos os anos entre as Cidades Patrimonio da Humanidade de España.