DEPORTES

Noa Morales participa na entrega de agasallos do certame "Tarxetas de Nadal" de Special Olympics Galicia

30/01/2017 A concelleira de Deporte, Noa Morales, participou esta mañá do acto de entrega de agasallos das Tarxetas de Nadal que cada ano organiza a entidade Special Olympics Galicia.

Noa Morales destacou na súa intervención "o compromiso desta entidade co deporte adaptado" e sinalou que "sodes un referente no eido deportivo, mais tamén no social por ser quen de superar os obstáculos e as dificultades que se vos presentan diariamente".

O evento tivo lugar na Sala Mozart do Auditorio de Galicia, coa presenza de centos de persoas, entre premiados, persoal técnico e voluntario.

Compartir: