CONSORCIO
Profesor no Conservatorio de Lyon
Tasso Adamopoulos estudou primeiro violín no Conservatorio de Haïfa (Israel) e logo viola na Academia de Música de Tel Aviv. De volta en Europa, formouse en Holanda e converteuse en viola solista na Orquestra Filharmónica de Róterdam. Foi viola solista da Orquestra Nacional de Francia dirixida por Lorin Maazel.
Recoñecido camerista, ten tocado con prestixiosos músicos, entre eles a pianista portuguesa María Joao Pires. Colabora con regularidade coa Orquestra Nacional de Francia, Orquestra Filharmónica de Radio Francia, Orquestra Filharmónica de Róterdam, Orquestra de París, Orquestra Nacional de Burdeos-Aquitania e Orquestra de Radio Televisión de Luxemburgo, entre outras moitas agrupacións. Ademais, é membro do Sartory Trio e do Cuarteto de Burdeos.
Na actualidade, Tasso Adamopoulos é profesor no Conservatorio de Lyon e imparte clases maxistrais por todo o mundo.
O violista francés de orixe grega Tasso Adamopoulos formará a músicos galegos
17/01/2017 A Escola de Altos Estudos Musicais (EAEM), con sede en Santiago de Compostela, dispón dun programa de formación permanente dirixido a intérpretes noveis. No marco deste proxecto, ofrécese a posibilidade de asistir ao longo do ano a unha serie de clases maxistrais que imparten solistas de prestixio internacional. A vindeira semana contarase coa presenza do aclamado violista francés de orixe grega Tasso Adamopoulos, que tocará coa Real Filharmonía de Galicia en Santiago e Vigo. Ademais do alumnado da Escola, tamén poden asistir intérpretes externos ao centro.
As clases celebraranse o mércores 25 pola tarde, de 18:30 a 20:30 horas; e o venres 27 pola mañá, de 11:00 a 14:00 horas. Os/as músicos/as que desexen participar nestas sesións poderán matricularse a través da páxina web da Escola: www.eaem.es. Os/as aspirantes deben estar cursando como mínimo os últimos cursos de grao medio de música. A selección farase por rigorosa orde de presentación de solicitudes.Profesor no Conservatorio de Lyon
Tasso Adamopoulos estudou primeiro violín no Conservatorio de Haïfa (Israel) e logo viola na Academia de Música de Tel Aviv. De volta en Europa, formouse en Holanda e converteuse en viola solista na Orquestra Filharmónica de Róterdam. Foi viola solista da Orquestra Nacional de Francia dirixida por Lorin Maazel.
Recoñecido camerista, ten tocado con prestixiosos músicos, entre eles a pianista portuguesa María Joao Pires. Colabora con regularidade coa Orquestra Nacional de Francia, Orquestra Filharmónica de Radio Francia, Orquestra Filharmónica de Róterdam, Orquestra de París, Orquestra Nacional de Burdeos-Aquitania e Orquestra de Radio Televisión de Luxemburgo, entre outras moitas agrupacións. Ademais, é membro do Sartory Trio e do Cuarteto de Burdeos.
Na actualidade, Tasso Adamopoulos é profesor no Conservatorio de Lyon e imparte clases maxistrais por todo o mundo.