CONSORCIO
O obxectivo principal desta actuación é a mellora da eficiencia enerxética da fachada oeste a través da renovación das carpinterías, saneado das reixas e limpeza e saneado das fachadas. Tamén se renovarán os rexuntados que estean deteriorados para impedir a entrada da auga no interior da fábrica e no interior do edificio. Prevese ademais a consolidación dos elementos que poidan ter problemas de estabilidade ou mantemento, e a substitución ou reparación dos elementos de reforzo que poida ter a propia fábrica.
Eliminaranse as plantas superiores, algas, mofos e liques. Logo limparase toda a superficie da fachada con cepillo de esparto ou serdas e auga limpa sen presión, para non danar as xuntas nin a superficie da pedra.
Coa fachada limpa poderanse limpar en profundidade as xuntas da fábrica que teñan sido invadidas por plantas e raíces. E limparanse as gretas e fisuras para eliminar todo o material de aporte tanto do vento como das aves e demais colonizadores. Nas xuntas máis expostas aplicarase un hidrofugante fluorado, pola súa permeabilidade ao vapor de auga, de xeito que consinta a eliminación da humidade do interior da fábrica. Búscase así unha menor ou nula acumulación da auga da choiva e retrasar a colonización vexetal.
Renovación de carpinterías
En relación ás carpinterías, renovaranse todas as follas interiores e exteriores das fiestras en madeira de castiñeiro. Por outro lado, levaranse ao taller as reixas susceptibles de seren retiradas, en particular as das balconeiras; onde se sanearán e restauraranse ou reporanse os seus ornamentos de motivos vexetais.
Tratamento antipombas
As pombas refúxianse cada día nas cornixas protexidas da fachada. Son, ademais, as aves que aportan a maior cantidade de materia orgánica, sementes de plantas, sucidade… á fachada do edificio. Por este motivo, considérase conveniente colocar algún tipo de elemento disuasorio.
Tal como salienta Allegue, "non parece que exista unha solución definitiva para este problema que non pase por un programa estable de mantemento e limpeza superficial programada dos restos orgánicos e plántulas que poidan comezar a enraizar na fábrica da fachada". Así, proponse colocar tiras prefabricadas de dobre ringleira de pugas, sobre base de polímero transparente, complementado cun programa de limpeza de guano cada catro anos. Para isto prevese a colocación das liñas de vida e ancoraxes necesarias que consentan a realización destes labores sen necesidade de instalar estadas. Estes elementos non serán visibles dende a rúa e non danarán a fábrica.
O Consorcio de Santiago adxudica os traballos de mellora da eficiencia enerxética da fachada oeste do Pazo de Raxoi
22/12/2016 O Consorcio de Santiago acaba de adxudicar a obra de mellora da eficiencia enerxética da fachada oeste do Pazo de Raxoi á Unión Temporal de Empresas UTE Pazo de Raxoi. O importe global desta intervención ascende aos 288.241,78 euros.
O arquitecto da Oficina Técnica do Consorcio responsable desta obra é Xosé Allegue. Explica que este proxecto propón intervencións de mantemento destinadas a lograr a estanqueidade das fachadas e da terraza oeste do edificio, ademais da mellora das condicións de habitabilidade das estancias que dan a esta fachada e, polo tanto, a mellora das condicións de traballo. Así, optimizarase o illamento térmico e acústico, propoñendo simultaneamente un tratamento paliativo da contaminación por radón e, finalmente, a mellora da eficiencia enerxética, reducindo o gasto por acondicionamento térmico.O obxectivo principal desta actuación é a mellora da eficiencia enerxética da fachada oeste a través da renovación das carpinterías, saneado das reixas e limpeza e saneado das fachadas. Tamén se renovarán os rexuntados que estean deteriorados para impedir a entrada da auga no interior da fábrica e no interior do edificio. Prevese ademais a consolidación dos elementos que poidan ter problemas de estabilidade ou mantemento, e a substitución ou reparación dos elementos de reforzo que poida ter a propia fábrica.
Eliminaranse as plantas superiores, algas, mofos e liques. Logo limparase toda a superficie da fachada con cepillo de esparto ou serdas e auga limpa sen presión, para non danar as xuntas nin a superficie da pedra.
Coa fachada limpa poderanse limpar en profundidade as xuntas da fábrica que teñan sido invadidas por plantas e raíces. E limparanse as gretas e fisuras para eliminar todo o material de aporte tanto do vento como das aves e demais colonizadores. Nas xuntas máis expostas aplicarase un hidrofugante fluorado, pola súa permeabilidade ao vapor de auga, de xeito que consinta a eliminación da humidade do interior da fábrica. Búscase así unha menor ou nula acumulación da auga da choiva e retrasar a colonización vexetal.
Renovación de carpinterías
En relación ás carpinterías, renovaranse todas as follas interiores e exteriores das fiestras en madeira de castiñeiro. Por outro lado, levaranse ao taller as reixas susceptibles de seren retiradas, en particular as das balconeiras; onde se sanearán e restauraranse ou reporanse os seus ornamentos de motivos vexetais.
Tratamento antipombas
As pombas refúxianse cada día nas cornixas protexidas da fachada. Son, ademais, as aves que aportan a maior cantidade de materia orgánica, sementes de plantas, sucidade… á fachada do edificio. Por este motivo, considérase conveniente colocar algún tipo de elemento disuasorio.
Tal como salienta Allegue, "non parece que exista unha solución definitiva para este problema que non pase por un programa estable de mantemento e limpeza superficial programada dos restos orgánicos e plántulas que poidan comezar a enraizar na fábrica da fachada". Así, proponse colocar tiras prefabricadas de dobre ringleira de pugas, sobre base de polímero transparente, complementado cun programa de limpeza de guano cada catro anos. Para isto prevese a colocación das liñas de vida e ancoraxes necesarias que consentan a realización destes labores sen necesidade de instalar estadas. Estes elementos non serán visibles dende a rúa e non danarán a fábrica.