CONCELLO
O Concello expresa a súa solidariedade coas vítimas do terremoto do centro de Italia
25/08/2016 O Concello de Santiago manifestou hoxe a súa solidariedade coas vítimas do terremoto rexistrado en varias localidades do centro de Italia, que lle custou a vida a case 250 persoas segundo as últimas estimacións.
A voceira do Goberno, Marta Lois, expresou no nome de toda a Corporación municipal as súas condolencias aos familiares dos falecidos, entre eles unha moza de Granada. A concelleira lembrou os fortes lazos que unen á nosa cidade con Italia, lugar de orixe de boa parte dos milleiros de turistas e peregrinos que visitan Compostela nestes días.