DESENVOLVEMENTO ECONÓMICO
Ademais da Carpa Activa, a programación de hoxe do Efecto Proximidade incluíu as actuacións de Trópico de Grelos, con obradoiros de iniciación á percusión para todos os públicos, e de Trasno Malabares. Para o próximo xoves, 25 de agosto, está prevista a presenza en Salgueiriños de Os Bregadiers, e da contacontos Charo Pita. O 1 de setembro, a programación inclúe un espazo de xogos tradicionais e a actuación de Cé Orquestra Pantasma. Está previsto que, despois do verán, Efecto Proximidade retorne a Salgueiriños no Nadal.
A concelleira de Desenvolvemento Económico visita as actividades do "Efecto Proximidade"
18/08/2016 A concelleira de Igualdade, Desenvolvemento Económico e Turismo, Marta Lois, achegouse este mediodía ao mercadiño de Salgueiriños, para coñecer de primeira man a marcha do programa Efecto Proximidade. As actividades retornaron hoxe ao mercado, e repetirán os xoves 25 de agosto e 1 de setembro. O obxectivo, segundo lembrou a edil, é "dinamizar o mercadiño de Salgueiriños, a través de elementos lúdicos, artísticos, formativos e gastronómicos". Do seu desenvolvemento encárgase aCentral Folque.
No marco do programa Efecto Proximidade instalouse unha Carpa Activa en Salgueiriños, que serve de espazo central para as actividades. Unha delas é o LaboreAndo, unha acción na que se mesturan as exposicións, as demostracións e o intercambio de coñecementos sobre labores como a costura, o bordado ou a calceta. Na carpa tamén hai un espazo para o troco de xoguetes e un posto de elaboración e degustación gratuíta de zumes e batidos de froitas e verduras de tempada. O obxectivo é que o mercado de Salgueiriños explore novas posibilidades, máis alá dos tradicionais postos de téxtil e calzado.Ademais da Carpa Activa, a programación de hoxe do Efecto Proximidade incluíu as actuacións de Trópico de Grelos, con obradoiros de iniciación á percusión para todos os públicos, e de Trasno Malabares. Para o próximo xoves, 25 de agosto, está prevista a presenza en Salgueiriños de Os Bregadiers, e da contacontos Charo Pita. O 1 de setembro, a programación inclúe un espazo de xogos tradicionais e a actuación de Cé Orquestra Pantasma. Está previsto que, despois do verán, Efecto Proximidade retorne a Salgueiriños no Nadal.